Алматы қаласында Қорғаныс министрлігі бастамасымен Defense Tech IT Park қорғаныс технологиялары орталығының таныстырылымы өтті. Орталықтың ашылуына Қазақстан Республикасының Қорғаныс министрі, авиация генерал-лейтенанты Дәурен Қосанов қатысты.
Жоба Армия үйі базасында іске қосылып, Қарулы күштер мен ұлттық қауіпсіздік жүйесіне арналған отандық технологиялық шешімдерді әзірлеу мен енгізуді мақсат етеді.
Defense Tech IT Park инновациялық алаңы әскери саладағы жаңа технологияларды дамытуға, стартаптарды қолдауға және қорғаныс бағытындағы цифрлық шешімдерді жетілдіруге мүмкіндік береді.
