Айдар НАБИАЛЫ — Түркістан облысы, Арыс қаласының тумасы, қазіргі уақытта Оңтүстік Қазақстан медицина академиясының 3-курс студенті және әскери кафедра тәрбиеленушісі. Балалық шақтан бастап әскери-патриоттық тәрбиеге ерекше көңіл бөліп, өмірлік жолын соған бағыттады.
Мектепте 9–10 сыныптарда оқып жүрген кезінде «Жас Сарбаз» қозғалысының белсенді мүшесі болып, жауапкершілігі мол және бастамашыл жас ретінде танылды. Осы белсенділігі арқасында республикалық «Айбын» жастар жиынына қатысып, командасымен бірге жүлдегерлер қатарынан көрінді.
Айдардың ойынша, Отан қорғау және медицина салалары еліміздің болашағы үшін өте маңызды бағыттар болып табылады. Сондықтан ол әскери дәрігер мамандығын таңдады және осы салада жоғары жетістіктерге жетіп, елдің қорғаныс қабілеті мен халық денсаулығын нығайтуға өз үлесін қосуға ұмтылады.
Шымкент гарнизонының баспасөз қызметі
