«Тарихқа тағзым» танымдық экскурсиясы Республика күніне арналды

25 қазан – Республика күніне орай «AMANAT» партиясы жанындағы «Жастар Рухы» жастар қанаты Шымкент қалалық филиалының ұйымдастыруымен «Тарихқа тағзым» атты танымдық экскурсия ұйымдастырылды. Іс-шара Шымкент қалалық Тарихи-өлкетану мұражайында өтті.
Экскурсияның мақсаты – жастардың ел тарихына деген қызығушылығын арттыру, тарихи сананы қалыптастыру және Отанға деген сүйіспеншілікті нығайту болып табылады.
Шара барысында қатысушылар мұражайдың экспозицияларымен танысып, еліміздің тәуелсіздікке жету жолындағы маңызды оқиғалар мен тұлғалар жайлы тың деректер алды. Мұражай қызметкерлері мен экскурсия жетекшілері Қазақстанның қалыптасу тарихына қатысты мазмұнды мәліметтер ұсынып, жастармен еркін пікір алмасу жүргізді.
«АMANAT» партиясы жанындағы «Жастар Рухы» Жастар қанатының өкілдері мұндай іс-шаралар жас буынның тарихи танымын кеңейтіп, патриоттық рухын көтеруге септігін тигізетінін атап өтті.
Іс-шара соңында қатысушылар тәуелсіз еліміздің өткені мен бүгініне тағзым етіп, Республика күнімен бір-бірін құттықтады.
#МеніңЕлімМеніңТуым #Qazaqstan