Гвинеяда эбола індетінің басталғанын жариялады

Гвинеяның денсаулық сақтау министрлігі елдің оңтүстік-батысындағы Гуке субпрефектурасында эбола індетінің басталғанын жариялады.
Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды. Биліктің мәліметінше, эбола ауруынан төрт адам көз жұмғаннан кейін елде шаралар қабылданды. «Осы жағдайды ескере отырып және халықаралық денсаулық сақтау ережелеріне сәйкес Гвинея үкіметі Гуек субпрефектурасында, Нзерекор префектурасында Эбола вирусының эпидемиясын жариялайды», — делінген премьер-министрдің кеңсесінің Twitter-дегі хабарламасында. Билік эболаға күдікті кез-келген адамды оқшаулауды, эболаға қарсы іс-қимыл жөніндегі үйлестіру-техникалық комиссияның жұмысын жандандыруды, Гуэкте науқастармен жұмыс істейтін орталық ашуды және ДДСҰ арқылы вакциналар сатып алуды жеделдетуді ұсынды.