Қазақстан Республикасының Қорғаныс министрлігі Ақпарат және коммуникациялар департаментінің бастығы болып Жапишов Ғани Өтепбайұлы тағайындалды.
1986 жылғы 13 ақпанда Ақтөбе қаласында дүниеге келген. Қ.А. Ясауи атындағы Халықаралық қазақ-түрік университетін (Түркістан қ.) «журналистика» мамандығы бойынша, сондай-ақ «Болашақ» академиясын (Қарағанды қ.) «құқықтану» мамандығы бойынша бітірген.
Президенттік «Болашақ» бағдарламасының стипендиаты, Broadcast Journalism мамандығы бойынша Нью-Йорк кино академиясын (NYFA, Нью-Йорк қ., АҚШ) тәмамдаған.
Журналистика саласындағы еңбек өтілі – 15 жылдан астам. «Хабар», «Qazaqstan» телеарналарында қызмет атқарған. Ақтөбе облысы әкімінің баспасөз қызметін басқарды. «Қазақстан» РТРК» АҚ Ақтөбе облыстық филиалының директоры болды.
Соңғы атқарған қызметі – Қазақстан Республикасы Президенті жанындағы Орталық коммуникациялар қызметінің кеңесшісі.
