Батыс Қазақстан облысында жаңа туған сәбиін өлтірген жас келіншекке қатысты сот үкімі шықты. Казталов ауданының 19 жастағы тұрғыны екі жылға бас бостандығынан айырылды. Ол жаңа туған сәбиін полиэтилен пакетке орап, көшедегі дәретханаға тастаған. Бұл туралы «Мой город» порталы хабарлап отыр.
“Мой город” басылымының мәліметінше, жоғары педагогикалық колледждің ІІ-курс студенті 2020 жылдың күзінде өз танысынан жүкті болғанын білген. Алайда жігіті жауапкершілік алудан қашқан.Ал ата-анасының ашуынан қорыққан бойжеткен, бұл туралы ешкімге айтпауды жөн көріпті.
Сотта оқиғаға қатысты жантүршігерлік деректерде айтылды. Сәбиді босанған уақытта 19 жастағы қыздың отбасы мүшелері де үйде болғаны анықталған. Ресми мәліметке сүйенсек, 23 қарашада қыздың іші ауыра бастаған. Анасы дүкенге шығып кеткен, ал қалған отбасы мүшелері өз бөлмесінде болған. Осы сәтте ол дәлізге шығып, ұл баланы дүниеге әкелген. Бойжеткен есеңгіреген күйінде қайшымен нәрестенің кіндігін кесіп, шақалақты полиэтилен пакетке орап, аузын түйіп, жеке үйдің қорасында орналасқан әжетханаға тастаған.
Содан кейін дәліздегі қанды сүртіп, бөлмесіне барып жатып қалыпты. Дүкеннен қайтып келген анасы қызының жайсыз сезінгенін көріп, жолдасымен бірге ауруханаға алып кеткен. Нәтижесінде медициналық мекеме қызметкерлері бұл оқиғадан хабардар болған,- делінген үкімде.
Сарапшының айтуынша, Нәресте шамамен 8-8,5 айлық болған. Оның өліміне механикалық асфиксия, себеп болған. Яғни сәби тұншығып өлген.
Сотталушы кінәсін толық мойындаған.
Сот үкімімен Қазталов ауданы Жаңажол ауылының тұрғыны Қазақстан Республикасы Қылмыстық кодексінің 100-бабы, «Жаңа туған нәрестені анасының өлтіруі» бойынша қылмыс жасағаны үшін кінәлі деп танылып, екі жылға бас бостандығынан айырылды.
