“Наурыз” саябағында Қаратау ауданының тұрғындарына 100 мерекелік тақия тегін таратылды.
Бұл игі бастаманы аудан әкімдігі ұйымдастырып, ұлттық киімді дәріптеу және Наурыз мерекесінің маңызын арттыруды мақсат етті.
Іс-шара барысында әсіресе балаларға ерекше көңіл бөлініп, оларға ұлттық бас киімдер сыйға берілді. Тақия киген бүлдіршіндер мерекелік көңіл-күйге бөленіп, саябақ ішінде естелік суреттерге түсті.
Ұйымдастырушылар мұндай шаралар қазақы дәстүрлерді жаңғыртуға және ұлттық құндылықтарды насихаттауға оң әсер ететінін атап өтті.
Жергілікті тұрғындар бұл бастаманы жылы қабылдап, мереке қарсаңында жағымды әсер алғандарын айтты.
Олар осындай іс-шаралар ұлттың мәдени мұрасын сақтауға ықпал ететінін және келешекте де жалғасатынына үміт білдірді.
