Қызылша ауруының алдын алу

Қызылша – ауа тамшы инфекциялары тобына жататын жіті жұқпалы вирустық ауру. Ауру адамнан адамға ауа арқылы, тыныс алу жолдарынан бөлінетін тамшылармен немесе жұқтырған адамдардың мұрынынан немесе тамағынан бөлінетін бөлінділермен тікелей жанасқан кезде беріледі. Аурудың инкубациялық кезеңі (жұқтырғаннан кейін бірінші белгілері пайда болғанға дейін) шамамен 7 күннен 14 күнді құрайды.
Оның белгілері:
-дене қызуының көтерілуі;
— мұрынның, көздің және тамақтың шырышты қабығы қабынып, теріде бөртпелер пайда болуы;
-әлсіздік;
-жөтел;
-ауыз қуысының шырышты қабатындағы ақ дақтар;
-жақ асты лимфа түйіндерінің ұлғаюы.
Алдын алудың ең тиімді жолы — вакцинация. Алғашқы вакцинация 12-15 айлық дені сау балаларға беріледі. Вакцинаны қайта енгізу (ревакцинация) 6 жасында, мектеп алдында жүзеге асырылады. Вакцинада тірі әлсіреген қызылша вирустары бар, нәтижесінде ағза да өзін қорғайтын иммунитет қалыптасады. Осының әсерінен бала қызылшамен ауырмайды, немесе ауру жеңіл түрде өтеді. Сонымен қатар қызылшаға қарсы қосымша егулер науқаспен қатынаста болған қызылшаға қарсы егілмеген адамдарға эпидемиологиялық көрсетіліммен 30 жасқа дейінгі адамдарға салынады.
Нышанов Нұрбек Садықбекұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы