Microsoft виртуалды шындық технологиясын пайдалана отырып, 12 ортопедиялық отаны ұйымдастырмақ. Операцияларды 13 мемлекеттің 15 хирургі Microsoft HoloLens 2 гибридті шындық көзілдірігін қолданып жасайтын болады. Бұл туралы компанияның баспасөз қызметі RB.ru сайтына хабарлаған. Алдын ала жоспар бойынша 24 сағатқа созылатын онлайн шара 2021 жылдың 9-10 ақпанында өтеді.
Әрбір отаны әр елден келген дәрігерлер алқасы жасайтын болады. Хирургтар Dynamics 365 Remote Assist бағдарламасы мен көзілдіріктің көмегімен қажетті қосымша ақпаратты көзге елестете алады. Мәселен голограмма түрінде пайда болатын компьютерлік томографияны көре алады. Сондай-ақ бұл ноухау нақты уақыт режимінде әріптестеріне операцияны көрсете алады. Бұдан өзге отаға қатыспаған мамандардан кеңес алып, әріптестеріне қашықтықтан оқыту жүргізуіне мүмкіндік береді.
Дәрігерлер тобын француз профессоры Тома Грегори басқарады. Ол 2017 жылы HoloLens көмегімен әлем бойынша алғаш рет аралас шындық операциясын жасаған.
HoloLens 2 — бұл аралас шындық қабырғасы. Қол мен көзді бақылау технологиясын қолдана отырып, хирург қайда қарап тұрғанын автоматты түрде анықтайды. Сарапшылардың айтуынша, бұл техника дәрігерге үлкен дәлдікпен жұмыс істеуге мүмкіндік береді.
