Түркістан облысының СЭБД мамандары өнімді бақылау мақсатында 369 тауардың сынамасын зерттеді

Бақылау мақсатында сатып алу нәтижелері бойынша өнімдердің сапасына қойылатын талаптарды бұзушылықтардың 96,4%-тауарларды таңбалау көрсеткіші бойынша, 2,2%-микробиологиялық көрсеткіштер және 1,4% физикалық-химиялық көрсеткіштері бөлігінде.

 Талаптарға сәйкес келмейтін өнімдерге өткізуден алып қою немесе кері қайтару түріндегі жедел ден қою шараларын қолдану туралы Бас мемлекеттік санитариялық дәрігерлердің 72 Қаулылары қабылданып, келесі өнімдер контрагенттерге (жеткізіп берушілер) кері қайтарылды, олар: құс еті-13 кг, балық өнімдері-4,37 кг, кондитерлік өнімдер-49 кг, ұн-2 кг, ұн-жарма өнімі-18 дана, алкогольді сусын-1 л, алкогольсіз- 40,8 л, шай-25 дана, ашытқы-7 дана, жеміс-көкөніс өнімдері-550 гр, ойыншықтар-4 дана, парфюмерлік өнім-8 дана, жеңіл өнеркәсіп өнімдері-115 дана (о.і. мектеп формалары-114), тамақ өнімімен жанасатын тауарлар-87 дана. Жойылған тамақ өнімдері: алкогольсіз сусындар-1.8 л, кондитерлік өнімдер-1 кг.

Департамент дүкен сөрелерінен өнімдерді таңдау кезінде бірінші кезекте тауардың таңбалануын мән беруді ұсынады. Таңбалауда өнімнің атауы, дайындалған күні, шарттары мен сақтау мерзімдері, құрамы, тағамдық қасиеттері мен ерекшеліктері және өндіруші туралы мемлекеттік және орыс тілдерінде ақпарат көрсетілуі қажет. Сондай-ақ, ЕАС белгісімен таңбаланған өнім Еуразиялық экономикалық одақтың техникалық регламенттерінің талаптарына сәйкестігін расталып, барлық қажетті зертханалық сынақтардан өткенін көрсетеді. Тауарды сатып алмас бұрын сатушыдан декларация, сәйкестік туралы сертификат, мемлекеттік тіркеу туралы куәлік сияқты тауардың сәйкестігін растайтын құжаттарды талап етуге құқылы екеніңізді хабарлаймыз.