92 жастағы ер адам респираторлық дертіне шалдығып, екі ай ауруханаға жатқызылған. Осы уақытта португалдық тұрғын коронавирус инфекциясын жұқтырып алған. 10 қаңтарда медициналық мекеме қызметкерлері науқастың отбасына оның қайтыс болғанын хабарлайды. Ал жерлеу рәсімі екі күннен соң өткен. Айта кетсек, карантиндік талаптарға байланысты марқұм деп танылған азаматтың отбасы мәйітті көре алмапты. Бұл туралы Euro Weekly News басылымы мәлімдеп отыр.
Ал 20 күн өткен соң, дәрігерлер ер адамның жақындарына қателік орын алғанын мойындаған. Олар оқиғаны Португалиядағы ауруханаларда пандемияға орай адамның көп болуымен байланыстырған. Ал бұл жаңалықты естіген 92 жастағы тұрғынның туыстыры таңқалып, жағдайды түсініп қабылдапты. Алайда болашақта жауаптыларға мұндай қателік жібермеуін ескерткен.
Ақ халаттылар іс жүзінде қайтыс болған адамның туыстарына хабарласып, оқиға туралы хабарлаған.
Айта кетейік осыған дейін Испаниядағы қарттар үйінің тұрғыны жерленгеннен соң 10 күн өткен соң қарттар үйіне қайта барғандығы хабарланған болатын. Оны ауруханаға бара жатқан кезде басқа әйелмен шатастырып алған.
