Түркістан облысының санитариялық-эпидемиологиялық бақылау департаменті басшысының орынбасары Б.Елемесов пен Денсаулық сақтау басқармасының басшысы А.Байдуалиевтың қатысуымен «Түркістан облысында жіті респираторлық вирустық инфекциялар және тұмау (коронавирусты инфекция) аурушаңдығы бойынша эпидемиологиялық ахуал туралы» тақырыбында брифинг өтті.
Брифингте Түркістан облысының санитариялық-эпидемиологиялық бақылау департаменті басшысының орынбасары Б.Елемесов жылдың суық мезгілдері адамдардың әртүрлі респираторлық инфекцияларға шалдығып, аурушаңдықтың өсуі орын алып отыратындығы, Тұмау және ЖРВИ аурушаңдығының эпидемиялық маусымы ресми түрде 1-ші қазаннан басталып, келесі жылдың сәуір айының соңына дейін созылатындығын атап өтті.
Сондай-ақ, 2024 жылғы 16 тамыз күні 2024-2025 жылдардың эпидемиялық маусымына арналған ҚР Бас мемлекеттік санитариялық дәрігерінің №7 «Тұмау, жедел респираторлық вирустық инфекциялар (ЖРВИ) және коронавирус инфекциясы (COVID-19) бойынша 2024-2025 жылдардың эпидемиялық маусымына арналған тұмау және ЖРВИ жөніндегі санитариялық-профилактикалық, санитариялық-эпидемияға қарсы іс-шараларды жүргізу туралы» және қыркүйекте №10 «Тұмау, жедел респираторлық вирустық инфекциялар (ЖРВИ) және коронавирус инфекциясы (COVID-19) бойынша 2024-2025 жылдардың эпидемиялық маусымына арналған санитариялық-профилактикалық, санитариялық-эпидемияға қарсы іс-шаралар жүргізу туралы» Қазақстан Республикасының Бас мемлекеттік санитариялық дәрігерінің міндетін атқарушының 2024 жылғы 16 тамыздағы № 7 қаулысына өзгерістер мен толықтырулар енгізу туралы» қаулыларын таныстырып, Қаулыларға сәйкес Республика бойынша медицина ұйымдарында бетперделік режим ағымдағы жылдың 1 қыркүйегінен, ал тұмауға қарсы иммундау науқанының басталуы 15 қыркүйектен көзделгендігі туралы айтылды.
Елемесов Бахтыораз Мизамұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы орынбасары
