Шымкентте жастарға сатып алу құқығынсыз жалға берілетін тұрғынжайларға өтінімдерді қабылдау басталды. Құжаттарды қабылдау 25-27 қаңтар күндері аралығында shymkent-baspana.kz порталы арқылы электронды түрде жүзеге асырылады.
Өтінімдер:
-Жұмыс істейтін және 29 жасқа толмаған;
-Шымкент қаласында соңғы 2 жылда тұрақты тіркеуде тұрған;
-Қазақстан Республикасы аумағында тұрғын үйге соңғы 2 жылда меншік құқығы тіркелмеген;
-Ай сайынғы табысы 40 АЕК (116 680 теңге) кем емес жастардан қабылданады.
Тұрғынжайлар сатып алу құқығынсыз 5 жыл мерзімге жалға беріледі.
Автоматтандырылған жүйе бойынша азаматтарға тіпті электронды пошталары арқылы кері байланыс беріледі. Қазірдің өзінде 1,5 мыңнан астам азаматтан өтінім түскен.
Жалпы, жастарға жалдамалы тұрғынжайларды үлестіруге 300 пәтер қарастырылған. Баспаналар «Жаңа Тұрлан», «Тұран» және «Асар 2» шағынаудандарынан беріледі.
Жалпы баспана мәселесіне қатысты туындайтын қосымша сұрақтар бойынша whatsapp арқылы арнайы +7 700 674 20 52 нөміріне хабарласуға болады.
Шымкент қаласы әкімдігінің баспасөз қызметі
