Маймыл шешегі (mpox) – Poxviridae туыстастығына жататын вирустық ауру.
Негізгі клиникалық белгілері: шешектің инкубациялық кезеңі 5-тен 21 күнге дейін болуы мүмкін. Аурудың қызба кезеңі әдетте 1-ден 3 күнге дейін созылады, белгілері: қызба, бөртпе, тамақтың ауруы, бұлшықеттің және арқаның ауруы, лимфа түйіндерінің ісінуі.
ЭНДЕМИЯЛЫҚ ЕЛДЕРГЕ БАРАТЫН ТУРИСТЕРГЕ ИНФЕКЦИЯНЫҢ ТАРАЛУЫНЫҢ АЛДЫН АЛУ ҮШІН МЫНАДАЙ КЕҢЕСТЕР ҰСЫНЫЛАДЫ:
— эндемиялық аймақтарға барған кезде абай болыңыз және барлық сақтық шараларын қолданыңыз;
— басқа елге барар алдында осы аймақтағы эпидемиологиялық жағдай туралы ақпаратты тексеріңіз. Бұл сізге қауіптер туралы хабардар болуға және қажетті сақтық шараларын қабылдауға көмектеседі;
— тері бөртпелері немесе аурудың басқа белгілері бар адамдармен жақын қарым-қатынасты азайтуға тырысыңыз;
— науқастарға күтім жасау кезінде маскалар мен қолғаптар және жеке қорғаныс құралдарын қолданыңыз;
— егер сізде ауру белгілері пайда болса, инфекцияның ықтимал таралуын болдырмау үшін басқа адамдармен байланыста болудан аулақ болыңыз;
— масканы қолданыңыз, теріңізге және бөртпелерге қол тигізбеңіз. Қолыңызды жүйелі түрде жуыңыз және жанасқан беттерді зарарсыздандырыңыз;
— егер маймыл шешегіне ұқсас белгілер пайда болса, дереу медициналық көмекке жүгініңіз;
— егер үйге оралғаннан кейін 21 күн ішінде бөртпе безгегі, бас ауруы немесе лимфа түйіндерінің ісінуі сияқты белгілер пайда болса, дереу түрде дәрігерге қаралыңыз;
— медициналық мекемеге барған кезде дәрігерге тиісті тағайындау жасау үшін қайда болғаныңызды және кіммен байланыста болғаныңызды хабарлауды ұмытпаңыз.
Елемесов Бахтыораз Мизамұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы орынбасары
