Қазақстан Республикасы Сыртқы істер министрінің орынбасары Роман Василенко мен Сербияның Қазақстандағы Елшісі Владимир Йовичич екіжақты ынтымақтастықтың «сағаттарын теңестірді».
Кездесу барысында Сербия мемлекетінің басшысы А.Вучич екіжақты өзара іс-қимылдың жоғары деңгейін, аса жоғары және жоғары деңгейлерде орнықты саяси диалогты дамытуды, сондай-ақ, екі елдің екіжақты форматта да, халықаралық құрылымдар шеңберінде де тиімді өзара іс-қимылын қанағаттанушылықпен атап өтті.
Тараптар екі ел арасындағы саяси диалогтың қарқынды дамып келе жатқанын, делегациялардың белсенді алмасуын қанағаттанушылықпен атап өтті, сондай-ақ ауыл шаруашылығы, тамақ өнеркәсібі, жасанды интеллект және ақпараттық технологиялар сияқты салалардағы ынтымақтастық перспективаларын талқылады.
2024 жылдың қыркүйегінде Белградта өтетін Сауда-экономикалық және ғылыми-техникалық ынтымақтастық жөніндегі Қазақстан-Сербия үкіметаралық комиссиясының үшінші отырысына дайындыққа, оның ішінде шарттық-құқықтық базаны кеңейту мәселелеріне ерекше назар аударылды (ҮАК-ның тең төрағасы қазақстандық тараптан – ҚР Премьер-Министрінің орынбасары С. Жұманғарин, серб тарапынан – Сербия Республикасы Премьер-Министрінің орынбасары – Ішкі істер министрі И. Дачич).
Р.Василенко ҮАК-тың кезекті отырысын өткізу сауда-экономикалық және инвестициялық байланыстарды одан әрі кеңейтуге ықпал ететінін және жоғары деңгейде сапарлармен алмасу үшін берік негіз қалайтынын атап өтті.
ҚР МКК деректері бойынша 2024 жылғы қаңтар – мамыр аралығында екіжақты сауда көлемі 31,7 млн АҚШ доллар.
2023 жылы 91,2 млн (өсім 23,3%), оның ішінде қазақстандық экспорт – 11,4 млн (+38,7%), Сербиядан импорт — 79,8 млн (+21,3%).
