Түркістан облысының санитариялық-эпидемиологиялық бақылау департаментінің басшысы Нұрбек Нышановтың төрағалығымен кезекті лездемелік жиын өтті. Жиын барысында Ордабасы аудандық санитариялық-эпидемиологиялық бақылау басқармасында өткен көшпелі алқа жиынының қорытындысы бойынша анықталған өзекті мәселелер талқыланды. Департамент басшысының орынбасарлары өздері жетекшілік ететін салалар бойынша атқарылған жұмыстарға тоқталып, күрмеулі түйіткілдер туралы баяндады.
– Аса қауіпті инфекция және туберкулезді эпидемиологиялық қадағалау, білім беру және тәрбиелеу обьектілерін бақылау, ауруханаішілік инфекцияларды бақылау, коммуналдық обьектілерді бақылау, инфекциялық, паразиттік ауруларды эпидемиологиялық бақылау және ұйымдастыру жұмысы қызметті талдау сынды бөлімдерінің басшылары жыл басынан бері атқарған жұмыстарын қарап шықтық. Кемшіліктер көп. Оларды жою бойынша тиісті ұсыныстар енгізілсін. Сонымен қатар, өңірдегі санитарлық-эпидемиологиялық, инфекциялық, паразиттік аурулардың алдын алу жұмыстарын жетілдіру қажет, — деген департамент басшысы Ордабасы аудандық СЭББ басшысына бірқатар нақты тапсырмалар жүктеді.
Лездемелік жиынға облыстық департамент басшысының орынбасарлары, бөлім басшылары және аумақтық басқарма басшылары қатысты. Жиын қорытындысымен санитариялық-эпидемиологиялық бақылау саласындағы қызметкерлерге білімдерін үнемі жетілдіріп отыру, жаңашылдыққа ізденіс, мемлекеттік қызмет әдебін сақтау, сыбайлас жемқорлықты болдырмау, халыққа заң шеңберінде сапалы қызмет ету керектігі айтылды.
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы Нышанов Нұрбек Садықбекұлы
