Түркістан облысының санитариялық-эпидемиологиялық бақылау департаментінің басшысы Нұрбек Нышановтың төрағалығымен қызметшілерге өз құқықтары мен міндеттерін, сондай-ақ тәртіптік жауапкершілік рәсімдерін түсіндіру бойынша семинар өтті.
Семинарға ҚР Мемлекеттік қызмет істері агенттігінің Түркістан облысы бойынша департаментінің Мемлекеттік қызмет саласындағы бақылау басқармасының бас маманы Сағындық Сарқыт Жаңабекұлы арнайы қатысып, мемлекеттік органдарда қызметтік әдеп нормаларының сақталуын және мемлекеттік қызмет заңнамасы бойынша бұзушылықтардың алдын алу бойынша баяндама жасады.
Семинар барысында қоғамдық маңызы бар қызметтер бойынша пікір алмасып, мемлекеттік қызметтер көрсету кезінде қызмет алушыларға бағдарлану тәсілдерін қолдану, мемлекеттік қызмет көрсетудің сапасын арттыру қажеттігі айтылды.
Жиынды қорытындысымен облыстың бас санитар-дәрігері Нұрбек Садықбекұлы мамандардың жұмыстарын жетілдіру бойынша қажетті шаралар кешенін қабылдауды ұсынды.
Түркістан облысының санитариялық-эпидемиологиялық бақылау департаменті
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы Нышанов Нұрбек Садықбекұлы
