14 маусымда Ауыл шаруашылығы министрінің «Қант экспортының кейбір мәселелері туралы» бұйрығы күшіне енді. Ол Қазақстаннан қантты шетелге, оның ішінде ЕАЭО мемлекеттеріне экспорттауға ресми түрде тыйым салады .
Ауыл шаруашылығы министрлігінің баспасөз қызметі бұл шектеу жаздың соңына дейін күшінде болатынын хабарлады. Тыйым Қазақстан аумағы арқылы қанттың халықаралық транзитіне қолданылмайды. Мамыр айының басында бұл өнімді экспорттауға шектеу қою туралы шешім қабылданды.
«Жаз мезгілінде ішкі нарықта халық тарапынан да, өнеркәсіптік тұтынушылар тарапынан да қант тұтынудың артуы байқалады. Осыған байланысты ішкі нарықты қамтамасыз ету және оның реэкспортын болдырмау мақсатында қант экспортына уақытша тыйым салынды», деп түсіндірді Ауыл шаруашылығы министрлігі.
Министрліктің мәліметінше, қазір Қазақстанда қант қызылшасының жаңа өнімі піскенше ішкі нарықтағы сұранысты қанағаттандыруға жеткілікті қант қоры бар. Сонымен қатар отандық қант зауыттары өндірісті қолдау үшін елдерден қамыс шикізатын импорттайды. ЕЭК шеңберінде Қазақстан үшін 2024 жылға арналған 300 мың тонна көлеміндегі қант шикізатын бажсыз әкелуге квота келісілді. Біздің ел құрлықтан мұхитқа шығар төте жолы болмағандықтан, сыртқы елдермен арғы-бергі алыс-беріске, сауда-саттық қатынасқа қара жол мен әуе және темір жол тасымалын пайдаланады. Еуразияның жүрегіндегі ұлан-ғайыр даламыз кезінде Шығыс пен Батысты жалғаған Ұлы жібек жолының қай тармағына болса да жайлы әрі тиімді болған. Бүгінде экономикаға иек артқан еліміз кейінгі жылдары транспорт және логистика саласында да айтарлықтай жетістікке жетіп келеді. Әсіресе Ресей санкцияның қыспағына қалғалы солтүстік көршіден шығатын да, ол елге жеткізілетін де тауарлардың дені Ұлы дала арқылы кіріп-шығып жатыр.
Кейінгі бес жылда елімізде ірі теміржол жобаларын ауқымды іске асыру қолға алына бастады. Әсіресе Достық – Мойынты учаскесінде екінші жолдардың құрылысы қарқын алса, Алматы стансасын айналып өтетін жол, Дарбаза – Мақтаарал және Бақты – Аягөз жаңа желілері ел экономикасына елеулі үлес қосуға тиіс. Жалпы, бес жыл ішінде еліміздегі транзиттік тасымалдау көлемі 2019 жылғы 19,4 млн тоннадан 2023 жылғы 32,3 млн тоннаға дейін 1,7 есе өсті. Теміржол саласындағы инновацияларды енгізу аясында «Huawei», «Wabtec», «Alstom», «PSA» сынды әлемнің алпауыт компаниялары тартылды.
