13kz.kz
КАЗ
  • Жаңалықтар
  • Қоғам
  • Cаясат
  • Мәдениет
  • Экономика
  • Білім
  • Туризм
  • Спорт
  • Әлемде
  • 13KZTV
No Result
View All Result
  • Жаңалықтар
  • Қоғам
  • Cаясат
  • Мәдениет
  • Экономика
  • Білім
  • Туризм
  • Спорт
  • Әлемде
  • 13KZTV
No Result
View All Result
13kz.kz
No Result
View All Result
Home Жаңалықтар

Қанат Бозымбаев Душанбедегі халықаралық конференцияда трансшекаралық суларды реттеу және Арал теңізін сақтау мәселелерін талқылады

11 июня, 2024
in Жаңалықтар
0
Қанат Бозымбаев Душанбедегі халықаралық конференцияда трансшекаралық суларды реттеу және Арал теңізін сақтау мәселелерін талқылады
Share on FacebookShare on Twitter

Қанат Бозымбаев Душанбедегі халықаралық конференцияда трансшекаралық суларды реттеу және Арал теңізін сақтау мәселелерін талқыладыҚР Премьер-Министрінің орынбасары Қанат Бозымбаев Душанбеде (Тәжікстан) өткен «Су тұрақты даму үшін, 2018-2028 жылдар» халықаралық іс-қимыл онжылдығы бойынша үшінші халықаралық конференцияда сөз сөйледі.

Жоғары деңгейдегі іс-шараны Тәжікстан Республикасының Үкіметі ұйымдастырды. Оған БҰҰ-ға мүше мемлекеттердің, халықаралық ұйымдардың және азаматтық қоғамның өкілдері қатысты.

Душанбе су процесі климаттың өзгеруіне, ортақ суларды басқаруға және үкіметаралық келісімдерді жүзеге асыруға байланысты жаһандық су мәселелері бойынша жаңа шешімдер әзірлеуге арналған алаң болып саналады.

Вице-премьер өз сөзінде Қазақстан климаттың өзгеруінің салдарын еңсеру жөніндегі жаһандық бастамаларды, сондай-ақ су ресурстарын ұтымды пайдалану мәселелеріне әлемдік қоғамдастықтың назарын аудару жөніндегі Тәжікстанның күш-жігерін толық қолдайтынын атап өтті.

Бүгінде Қазақстанның су саясаты су шаруашылығы инфрақұрылымын жаңғыртуға және дамытуға, ақпараттық жүйелерді, нормативтік-құқықтық базаны жетілдіруге және трансшекаралық ынтымақтастықты күшейтуге бағытталған.

Қанат Бозымбаев Орталық Азиядағы трансшекаралық суларды басқару бойынша өзара іс-қимылдың одан әрі стратегиясын әзірлеу қажеттігін атап өтті.

«Климаттың су ресурстарына әсер ету мәселесінде шекара жоқ. Климаттың өзгеруіне және судың жетіспеушілігіне әрекет ету шаралары барлық елдер арасындағы ынтымақтастықты және барлық мүмкін күштер мен құралдарды жұмылдыруды талап етеді. Қазақстан – су ресурстарының жартысына жуығын көршілерімен бөлісетін ел. Біз үшін трансшекаралық су ағындары бойынша ынтымақтастық суды тиімді басқаруды және экожүйелерді қорғауды қамтамасыз ету тұрғысында маңызды», — деді вице-премьер.

Арал теңізіндегі экологиялық жағдай ерекше алаңдаушылық туғызады. 5,5 миллион га шөлдің пайда болуы бүкіл аймақтағы адамдардың денсаулығы мен экожүйелердің жағдайына теріс әсер етеді.

«Бұл сын-қатерлер су, энергетика және азық-түлік ресурстарына сұраныстың артуымен бірге Арал теңізі бассейнінде суды ұтымды пайдалануды қамтамасыз ету үшін нақты шаралар қабылдауды талап етеді. Осыған байланысты Көкарал бөгетін сақтау және Сырдария өзенінің атырауын қалпына келтіру сияқты шараларды іске асыру арқылы табиғи су нысандарын сақтау және қалпына келтіру маңызды», — деп атап өтті вице-премьер.

Душанбе су процесі аясында Қанат Бозымбаев Тәжікстан Премьер-Министрінің орынбасары Сулаймон Зиёзодамен, Ресей Президентінің көмекшісі, климат мәселелері жөніндегі арнайы өкілі Руслан Эдельгериевпен, Өзбекстан президентінің кеңесшісі Шухрат Ганиевпен, сондай-ақ Еуропалық Одақтың Орталық Азия бойынша арнайы өкілі Тери Хакаламен кездесті.

Previous Post

Қазақстан СІМ басшысы БРИКС+ Диалогының Министрлік сессиясына қатысты

Next Post

Тұжырымдаманы іске асыру нәтижесінде халық жоғары сапалы медициналық көмекке қол жеткізе алады — Ақмарал Әлназарова

Барлық құқықтары қорғалған.
2020 жылдың 25 ақпанындағы
№KZ66VPY00020666 куәлігі

     13kz.kz ақпарат агенттігі

Сайт әкімшілігі материалды
көшіріп басу кезінде 13kz.kz
сайтына тікелей гиперсілтеме
көрсетуді талап етеді


Сайттың ескі нұсқасы.
No Result
View All Result
  • Жаңалықтар
  • Cаясат
  • Қоғам
  • Билік
  • Экономика
  • Туризм
  • 13KZTV
  • Әлемде

13kz.kz ақпарат агенттігі