«Nur Otan» партиясы атынан Шардара аудандық мәслихатына үміткерлер бүгін ауданымызда жүзеге асып жатқан кәсіпкерлікті дамыту саласындағы жұмыстармен танысты. Осы орайда үміткерлер кәсіпкерлермен кездесулер өткізді.
Жиындар барысында кандидаттар «Nur Otan» партиясының алдағы 5 жылға арналған сайлауалды бағдарламасын таныстырып, партияның қолдауы арқасында осы кезге дейін атқарылған жүмыстар жайында баяндап берді.
–Шардара ауданында 2025 жылы жұмыс істеп тұрған шағын және орта кәсіпкерлік субьектілерінің үлесін 71%-ға жеткізу жоспарлануда. Нәтижесінде 2025 жылға дейін «Еңбек» мемлекеттік бағдарламасы аясында өзін-өзі жұмыспен қамтыған 200-ге жуық азамат стартап грант пен несие алады, шағын және орта бизнестің үлесі 12%-ға артады, — деді «Nur Otan»-дық үміткерлер.
Кандидаттар еліміздегі кәсіпкерлікті дамытуға мемлекет тарапынан қандай қолдаулар мен жеңілдіктер бар екендігін айтып, оларға қол жеткізудің ережелері мен талаптарын түсіндіріп берді. Кәсіпкерлер тарапынан жолданған сауалдарға тиісті жауаптар берілді.
Өз кезегінде Шардаралық кәсіпкерлер «Nur Otan» партиясын қолдап, сайлауда дауыс беретіндіктерін жеткізді.
«Nur Otan» партиясы Шардара аудандық филиалы сайлауалды штабының қорынан төленді.
