Түркістан облысының санитариялық-эпидемиологиялық бақылау департаментінің басшысы Нұрбек Нышановтың төрағалығымен жиын өтті. Облыстың бас санитар-дәрігері төрағалығымен өткен жиынға департаменттің бөлім басшылары мен аудан, қалалардағы басқарма басшылары қатысты.
Жиын барысында жазғы лагерьлердің санитариялық талапқа сай болуы, балабақшаларға берілген қорытындылардың нәтижелерін талдау сынды өзекті мәселелер қаралып, орын алған кемшіліктерді жою бойынша жауаптыларға нақты тапсырмалар берілді.
— Берілген тапсырмалардың орындалу нәтижелері көңіл көншітпейді. Аудан, қалалардағы басқармаларда қызмет ететін мамандардың жұмысын жандандыру қажет. Бүгінде өңірлердегі басқармалардың тізгінін жас мамандарға берудеміз. Дегенмен осы күнге дейін бірде-бір тың ұсыныспен маған келмедіңіздер. Жұмыстың барысы баяу. Қазіргі таңда тоқтап тұруға болмайды. Әрбір тапсырманың орындалуына талдау жүргізіп, тиісті ұсыныспен келіңізідер, — деді департамент басшысы Нұрбек Садықбекұлы.
Түркістан облысының санитариялық-эпидемиологиялық бақылау департаментінің бөлім басшылары өз салалары бойынша жіберілген кемшіліктерді баяндап, өзекті мәселелерді ортаға салды. Департамент басшысы кәсіпкерлік, әлеуметтік нысандардың санитариялық талаптарға сәйкестігін қатаң қадағалауға алу бойынша тапсырмалар жүктеді.
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы Нышанов Нұрбек Садықбекұлы
