Қазақстан тарапының бастамасымен «Орталық Азия – Италия» III Министрлік конференциясы аясында Римде Қазақстан, Қырғызстан, Өзбекстан және Тәжікстанның сыртқы саяси ведомстволары басшыларының консультациялары өтті.
Кездесу барысында Орталық Азия мемлекеттері басшыларының Консультативтік кездесулерінің форматы шеңберіндегі өзара іс-қимыл мәселелері талқыланды. Сұхбаттастар достық, тату көршілік және стратегиялық серіктестік рухында саяси, сауда-экономикалық, инвестициялық, транзиттік-көліктік және мәдени-гуманитарлық салалардағы жан-жақты ынтымақтастықты одан әрі кеңейтудің маңыздылығын атап өтті.
ҚР СІМ басшысы М.Нұртілеу мұндай іс-шаралар аймақтың одан әрі даму векторын сенімді түрде айқындауға мүмкіндік бере отырып, халықаралық саясаттың маңызды факторына айналғанына назар аударды.
Министрлер өзара қызығушылық тудыратын өңірлік және халықаралық күн тәртібіндегі өзекті мәселелер бойынша «сағаттарын теңестірді». Тараптар сондай-ақ көпжақты құрылымдар және ОА+ форматтары шеңберіндегі өзара іс-қимыл перспективаларын талқылады.
Ал өткен жылы СІМ басшылары саммиттің күн тәртібі мен қорытынды құжаттарының жобаларын жан-жақты қарастырды. Сондай-ақ, сауда-экономикалық, көлік, гуманитарлық салалардағы өңірлік өзара іс-қимылды одан әрі нығайтудың жай-күйі мен перспективалары және өңірлік қауіпсіздік мәселелері талқыланған еді.
Сыртқы істер министрі М.Тілеуберді өз сөзінде Орталық Азия елдерінің мемлекетаралық өзара іс-қимылы соңғы жылдары сапалы жаңа деңгейге көтерілгенін және бесжақты қатынастарда серпіліс жасалғанын атап өткен болатын.Кездесуге қатысушылар қырғыз тарапына іс-шараны сапалы ұйымдастырғаны және Қырғызстанның өңірлік интеграцияны одан әрі дамытуға бағытталған күш-жігері үшін алғыс білдірген болатын.
