Түркістан облысы аумағында 32 жазғы сауықтыру лагерлері балалардың демалысын ұйымдастыруға дайындық жұмыстарын бастаған. Оның ішінде 12 мемлекеттік (11 маусымдық , 1 жыл бойы жұмыс жасайды), 20 жекеменшік лагерь орналасуы бойынша Түркістан облысы аумағында болғандықтан өтініш түскен кезде СЭҚ беріліп, барлығы бақылауға алынады.
Оның ішінде 22 лагерге (мемлекеттік-10, жекеменшік-12) облыстық бюджет есебінен Түркістан облысының балалары демалады. Сондықтан Түркістан облысы білім басқармасының есебіне тек 22 лагерь енгізілген.
Қалған 10 лагерге (мемлекеттік-2, жекеменшік-8) Түркістан облысынан басқа өңірлердің балалары сауықтырылады. Мемлекеттік 2 лагерь: жыл бойы жұмыс жүргізетін Төлеби ауданындағы «Балдәурен» Республикалық оқу сауықтыру орталығына республиканың барлық өңірлерінің балалары, ал Сайрам ауданындағы «Ақсу» лагерінде Шымкент қаласы №3 Балалар үйінің тәрбиеленушілері сауықтырылады. Жекеменшік 8 лагерде ата-аналар қаржысы есебінен (путевка) Астана, Алматы, Шымкент қалалары мен Атырау, Маңғыстау облыстардың балалары сауықтырылады.
Балаларды жазғы сауықтыру объектілерінің қызметін бастау, жазғы маусым кезінде жүргізу Қазақстан Республикасы Денсаулық сақтау министрінің м.а. 2022 жылғы 10 тамыздағы «Балалардың сауықтыру және санаторий объектілеріне қойылатын санитариялық-эпидемиологиялық талаптар» санитариялық қағидаларын бекіту туралы №78 бұйрығында аталған санитариялық қағидаларына сәйкес жүргізіледі.
Маусымдық жазғы лагерьлерде балаларды сауықтыру жөніндегі қызметті жүзеге асыратын заңды және жеке тұлғалар объектілерді пайдалануға беру алдында санитариялық-эпидемиологиялық қорытынды алуы тиіс. Әр бір сауықтыру мекемесі дайындығының нәтижесіне қарай берілетін санитариялық-эпидемиологиялық сәйкестігі жөніндегі қорытындысы болмаған жағдайда, объектіге балаларды кіргізуге тыйым салынады.
Елемесов Бахтыораз Мизамұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы орынбасары
