ҚАРАТАУ АУДАНЫНДА 13 КӨПҚАБАТТЫ ҮЙДІҢ ҚАСБЕТІНЕ МУРАЛ САЛЫНАДЫ

Бүгінде Қаратау ауданы аумағында су басу және көлдеу қаупі бар 33 мекенжай анықталып отыр. 2024 жылы 11 орынға (9,5 шақырым) ирригациялық арық жүйелерін салу жұмыстары жүргізіледі. Ал, қалған 9 орынды 2025 жылы атқару жоспарлануда.
Биыл Қаратау ауданы аумағындағы Т.Назарбеков, Ұ.Арғынбеков көешелерімен Н.Назарбаев даңғылы бойында орналасқан 13 көпқабатты үйдің қасбетіне Мурал салу 2024 жылдың жоспарына енгізілді.
Сонымен қатар, көп қабатты үйлердің қасбеттерін жөндеуге келер болсақ, бүгінде аудан аумағындағы орталық көшелердегі көп қабатты үйлердің қасбеттерін ретке келтіріп, жаңаша келбет қалыптастыру мақсатында тұрғын үй басқармасына 52 көпқабатты үйдің қасбетін реттеу және әрлеу үшін ұсыныс жолданып отыр.2024 жылы Қаратау ауданы аумағында жалпы 45 көшеге 33,2 км. асфальт төсеу жұмыстарын жүргізу жоспарда бар. Аталған жұмыстардың аяқталуына орай, асфальттанған көшелер 77,6 % құрайтын болады.
Көпқабатты тұрғын үйлер аулалары мен қоғамдық қауіпсіздікті қамтамасыз ету және бейберекет қоқыс тастау мәселесін алдын алу мақсатында цифрландыру басқармасы тарапынан 2024 жылы 130 бейнекамера орнату жоспарланып отыр.
Аталған бейнекамералар полиция департаментінің жедел басқару орталығына жалғану жұмыстары да жүргізілетін болады. Бүгінде Қаратау ауданы аумағында жалпы 595 көше бар. Оның 125 көшесі жарықтандырылған. Ауданды жарықпен қамту көрсеткіші 21 % құрап отыр. 2023 жылы аудан аумағындағы маңызға ие 19 көшені жарықтандыру жұмыстары атқарылса, тұрғындар тарапынан 18 көше жарықтандырылған.
2024 жылы дейін аудан аумағындағы 266 көшені жарықтандыру жоспарланып отыр. Бұл жұмыстардың аяқталуына орай, жарықтандырумен қамту көрсеткіші 68 % құрайды.
Сонымен қатар, Қаратау ауданы аумағында жалпы ұзындығы – 631 шақырымды құрайтын – 595 көше бар. Бүгінде оның 414 шақырым асфальт, 197 шақырым шағал тас болса, 20 шақырымы топырақ көшелерді құрайды.