Қазақстан Республикасы Мәжіліс депутаттығына кандидат Гүлжан Құрманбекова Түркістан облысы, Ордабасы ауданы, Қараспан ауылындағы «Батыр ата» кооперативінің жұмысшы ұжымымен Экспромт-кездесу өткізіп, «Nur Otan» партиясының сайлауалды бағдарламасын түсіндірді. Кездесуде үміткер алдымен ең басты сала — әлеуметтік салаға тоқталып өтті.
«Біз халықтың өмір сүру деңгейін арттыру мақсатында өңдеу кәсіпорындарын дамыта отырып, Ордабасы ауданының артықшылықтары мен әлеуетін пайдаланатын боламыз. Атқарылатын жұмыстардың есебінен 6 ірі жобаны жүзеге асыру жоспарлануда. Нәтижесінде мыңдай жаңа жұмыс орнын ашуға, жалақыны 180 мың теңгеге өсіріп, жұмыссыздық деңгейін 4,9%-ға төмендетуге қол жетеді» — деді Гүлжан Мамытқызы.
Жиында серіктестік жұмысшылары кандидатқа аудандағы өзекті мәселелердің бірі — жол мәселесі жайлы сауалдар жолдады. Гүлжан Мамытқызы партияның сайлауалды бағдарламасында бұл мәселе қамтылғандығын жеткізді. Оның айтуынша, «Nur Otan» партиясы елді мекенішілік және аудандық маңызы бар автомобиль жолдарын жөндеу мәселесін шешуге ықпал етеді. Басты міндет – 2025 жылға қарай аудандық маңызы бар автомобиль жолдарын 84,8%-дан 94%-ға жақсы және қанағаттанарлық жағдайға жеткізу. Нақты сандармен сөзін сабақтаған Гүлжан Мамытқызы тұрғындар үшін барлық ауылдарда сапалы және жақсы жолдар мен инфрақұрылым болуы тиіс екендігін атап өтті.
Кездесуде білім, медицина, кәсіпкерлік және әлеуметтік салаға қатысты бірқатар мәселелер айтылып, оны шешудің тетіктері талқыланды. Бас партияның сайлауалды бағдарламасымен толық танысқан «Батыр ата» кооперативінің жұмысшылары сайлауда бірауыздан «Nur Otan» партиясын қолдап, дауыс беретіндіктерін жеткізді.
«Nur Otan» партиясының Түркістан облысы Сайлау қорының қаражатынан төленді
