Партиялық тізім бойынша Отырар аудандық мәслихат депутаттығына үміткерлер Аралбай Асан мен Наятулла Бөрібаев аудан орталығындағы Д.Құрманбек атындағы №20 колледждің қызметкерлерімен насихаттық кездесу өткізді.
Басқосуда кандидаттар «Nur Otan» партиясының сайлауалды бағдарламасындағы ауданды дамытудың 7 басым бағыттарын атап, соның ішінде аймақтағы білім беру сапасын арттыру жұмыстарына тоқталды.
Сапалы білім алуға қол жеткізуді қамтамасыз ету – ауданның одан әрі дамуының маңызды шарты болып табылады. COVID-19 пандемиясы білімге деген көзқарасты өзгертті. 2020 жылы коронавирустың таралуына қарсы күрес жөніндегі күш-жігердің шеңберінде мектеп оқушылары мен Техникалық және кәсіптік білім беру жүйесінің студенттері жаңа қашықтықтан оқыту форматына көшті.
Ауданда үш жасқа дейінгі балалар тәрбиеленетін балабақшалар мен апатты мектептер жоқ, кәсіпорындармен бірлесіп дуальды оқыту ұйымдастырылған. Сондықтан білім беруде білім беру сапасын арттыруға, білім беру объектілерінің материалдық-техникалық базасын нығайтуға баса назар аударылатын болады.
Сайлауалды бағдарламаның тиімділігін қолдаған колледж ұжымы алдағы саяси додада «Nur Otan» партиясына сәттілік тіледі.
«Nur Otan» партиясының Түркістан облысы Отырар ауданының Сайлау қорының қаражатынан төленді
