ОТЫРАРЛЫҚТАР «ЖЕҢІС» САЯБАҒЫНДА ТАЗАЛЫҚ ЖҰМЫСТАРЫН АТҚАРДЫ

Отырар ауданы, Ынталы ауылындағы «Жеңіс» саябағында аудан әкімдігінің ұйымдастыруымен сенбілік өтті. Шараның аталған саябақта өтуінің де маңызы ерекше. Ауданның құрметті азаматы Айтқұлбек Сұлтановтың демеушілігімен салынған саябақ Ұлы Отан соғысында ерлік жасаған отырарлық жауынгерлердің құрметіне салынған.
Іс-шараға ауыл ақсақалдары, қоғамдық ұйым өкілдері, белсенді жастар, білім және мәдени сала қызметкерлері мен жас мемлекеттік қызметшілер қатысты. Игі шараға атсалысқан аға буын өкілдері ұрпақтар сабақтастығы жолында жастарға өнеге көрсетті. Іс-шара барысында қоғамдық орынның сыртқы қасбеттерін бояу, әктеу, ретсіз өскен ағаштарды ретке келтіру жұмыстары атқарылды.