Республикалық «Таза Қазақстан» экоакциясының «Киелі мекен» апталығына сәйкес Әл-Фараби ауданында орналасқан Қабанбай батыр ескерткіші аумағына санитарлық тазалау, абаттандыру жұмыстары жүргізілді. Ескерткіш аумағының тазалық жұмыстарына ауданның ақсақалдары, ерікті жастар және аппарат қызметкерлері белсенді қатысты.
Жалпы, орындықтарды әрлеу, шөптерді ору, ағаштарды қырқу, әктеу, иригациялық жүйелер мен аумақты тазалау жұмыстары жүргізілді. Жалпы санитарлық тазалық іс-шарасына 5 арнайы техника, 100-ден астам адам жұмылдырылды.
— Аудандарда атқарылуы тиіс жұмыстар жетерлік. Соның бірі Киелі мекендерді тұрғындарға дәріптеу. Көбісі осы аймақтағы мәдени-тарихи нысандарды білгенімен, оның тарихына мән бермейді. Ал осы іс-шара тек тазалық жұмыстарымен шектелмейді. Келген әр ерікті осы нысанның, ғимараттың салыну себебі мен мағынасына үңгіліп, зердесіне тоқи кетеді. Бұл жиындардың бірден-бір ерекшелігі де осында. Киелі орындарда тазалық жұмыстарын жүргізе отырып оны сақтауға және құрметтеуге үгіттеу,— дейді Әл-Фараби ауданы әкімінің орынбасары Мұхтар Жаңабайұлы. Республикалық «Киелі мекен» тазалық акциясы Шымкент қаласының әр елдімекенін қамтып, ескерткіштер мен саябақтар абаттандырылып жатыр. Бүгінгі күні «Алтынтөбе», «Абай» саябағы, «Қабанбай батыр», «Қапал батыр» ескерткіштерін және «Мірәлі баба» кесенесінде тазарту жұмыстары жүргізілді.«Мірәлі баба» кесенесінің тазалық жұмыстарын жүргізуге 50 жұмысшы және 2 техника жұмылдырылған.
— «Мірәлі баба»аумағына санитарлық тазалау, абаттандыру жұмыстары жүргізілді. Кесене аумағының тазалық жұмыстарына ауданның ақсақалдары, ерікті жастар және аппарат қызметкерлері белсенді атсалысып қатысты. Жалпы бұл аудан тұрғындары әр апта сайын ерікті түрде жиналып, кесенеге тазалық жұмыстарын жүргізіп отырады. Арнайы техникалар мен мамандарда алдағы уақытта келіп жұмыстар жасайтын болады, — дейді Қаратау аудандық Жастар ресурстық орталығының басшысы Бекарыс Бахадыр.
