16 желтоқсан — Қазақстан Республикасының Тәуелсіздік күні. Қазақстанның Тәуелсіздігін әлемнің танымал мемлекеттері мойындады. Тәуелсіздік тек Қазақстан халықтары үшін емес, сонымен бірге, шетелдердегі қазақ қандастарымыз үшін де маңызы зор мереке.
Сіздерді ұлтымыздың ұлық мерекесі – Қазақстан Тәуелсіздігі күнімен шын жүректен құттықтаймын! Ынтымақты ұран, татулықты ту еткен бейбіт халқымыз болашаққа нық сеніммен қадам басып келеді. Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау — біздің басты мұратымыз. Бірлігіміз бекем, тірлігіміз тиянақты болсын!
Халқымыздың ғасырлар бойы аңсаған Тәуелсіздігіне ие болғанымызға биыл 29 жыл толып отыр. Осындай мерейлі шақта еліміздің гүлденіп-көркеюі жолында аянбай етіп жүрген қазақстандықтарды Ұлттық мерекемізбен құттықтағымыз келеді. Еліміздің дамуы үшін маңызды шешімдердің жүзеге асырылуы – әрбір қоғам азаматының ерен еңбегінің нәтижесі. Әрбір азаматтың денсаулығы мен сапалы білімі, біліктілігі мен тәжірибесі – елiмiздiң баға жетпес негізгі байлығы.
“Nur Otan” партиясының сайлауалды бағдарламасында көрсетілген міндеттер мен мақсаттары да еліміздің әл-ауқатын, әлеуметтік, экономикалық жағдайын, қауіпсіздігін, болашағының жарқын да тұрақтылығын қамтамасыз етуге арналып отыр.
Біздер егемен еліміздің ертеңі үшін аянбай еңбек етіп, жаңару мен жаңғыру жолында өз үлесімізді қосатынымызға сенімдіміз.
Мерейлі мереке құтты, тәуелсіздігіміз тұғырлы болсын!Сіздерге денсаулықтарыңыз мықты, еңбектеріңіз табысты болсын деп тілейміз. Тәуелсіздігіміз баянды болғай!
Арман Орынбеков
Шымкент қаласы мәслихаты депутаттығына
“Nur Otan” партиясынан үміткер
