СОҢҒЫ АУЫЗАШАРДА ИМАМДАРҒА СЫЙ-ҚҰРМЕТ КӨРСЕТІЛДІ

Шымкентте қасиетті Рамазан айының соңғы күнінде «Қош бол, Рамазан!» атты рухани ауызашар өткізілді. Ауызашар дастарқанына имамдар, мәдениет саласының мамандары, танымал спортшылар мен әртүрлі салада қызмет атқарып жүрген кәсіпкерлер қатысты.
Рухани кешті ұйымдастырушы «SMAN» отандық аяқ киімдер брендінің негізін қалаушы Бекарыс Сман қонақтақтарды берекелі аймен құттықтап, ізгі тілектерін жеткізді.
—Рамазан – күллі мұсылмандар үшін ерекше маңызға ие қасиетті ай, бұл айда Исламның ең басты құндылықтары – жақсылық пен мейірімділікті, ізгілік пен сабырлылықты дәріптеу парызымыз. Бұл құндылықтар еліміздің бірлігін бекемдей түсуге және жас ұрпақты имандылыққа, адамгершілікке баули отырып тәрбиелеуге оң ықпалын тигізеді. Осы орайда елімізді бірлікке, жақсылыққа шақырып, асыл дінімізді уағыздап жүретін имамдарымыздың еңбегі еленбей қалатыны жасырын емес. Сондықтан бүгінгі ауызашарда дін үшін қызметте жүрген молда, имамдарымызға өзімнің және қала кәсіпкерлерінің атынан бес автокөлік сыйға тартамыз. Алланның қалауымен бұл үрдісті дәстүрге айналдыру мақсатым, – деді Бекарыс Сман.
Айта кетейік, «SMAN» бренді Қазақстан нарығында 2014 жылдан бастап жұмыс атқаруда. Компания жылына 20 мыңнан астам ерлер мен әйелдер аяқ киімдерін, сондай-ақ премиум сападағы сөмкелер мен аксессуарлар шығарады. Танымал бренд иесі басқа да қайырымдылық шараларға белсене атсалысады. Аталған жоба өткен жылы Алматы қаласынан басталып, ол кеште үш имамға автокөлік табысталған. Шымкентте қасиетті Рамазан айының соңғы күнінде «Қош бол рамазан» атты рухани ауызашар өткізілді. Ауызашар дастарханына имамдар, мәдениет саласының мамандары, танымал спортшылар мен әртүрлі салада қызмет атқарып жүрген кәсіпкерлер қатысты.