Түркістан облысы, Созақ ауданында сайлауалды үгіт-насихат жұмыстары белсенді басталды. Аудандық мәслихат депутаттығына «Nur otan» партиясынан үміткер Бимырзаева Таңсық Қабаққызы «Құмкент» бастауыш партия ұйымы мүшелерімен «ZOOM» форматында онлайн кездесу өткізді. Кездесуде ол партия мүшелеріне Созақ аудандық сайлауалды бағдарламасын таныстырды.Үміткердің айтуынша, партияның сайлауалды бағдараламасы халықтың өмір сүру сапасы мен әл-ауқатын үнемі жақсарту үшін жағдай жасауға негізделген.
-Біздің бағдарламамыз туған ауданды дамытуға бағытталған. Біз Түркістан облысының Созақ ауданын ауылшаруашылық өнімдерін негізгі жеткізушілердің бірі және агроөнеркәсіптік кешені саласындағы сауда орталығына айналдыру бойынша нақты шараларды ұсынамыз.Біз ауданның дамуы мен өркендеуі үшін барлық азаматтармен және қоғамдық бірлестіктермен ой алмасуға және кең ынтымақтастыққа дайын екенімізді мәлімдейміз – деді өз сөзінде Таңсық Қабаққызы.
Оның айтуынша, халықтың өмір сүру деңгейін арттыру мақсатында өңдеу кәсіпорындарын дамыта отырып, Созақ ауданының артықшылықтары мен әлеуеті пайдаланылатын болады. Яғни алдағы 5 жылдықта мемлекеттік бағдарламалар және жеке инвесторлар есебінен өңдеу, ауылшаруашылық, шағын және орта бизнес салаларында 5 жобаны жүзеге асыру жоспарлануда. Осы шаралар 2 мыңдай жаңа жұмыс орнын ашуға, жалақыны 229 мыңнан 270 мың теңгеге дейін өсіріп, жұмыссыздық деңгейін 4,9%-дан 4,8%-ға төмендетуге қол жеткізеді.
Кездесу соңында, Таңсық Қабаққызы: «Біздің міндетіміз – Созақ ауданының әрбір тұрғынының сенімін ақтау», дей отырып, ауыл тұрғындары мен сайлаушыларды «Nur Otan» партиясының сайлауалды бағдарламасын қолдап, дауыс беруге шақырды.
#BIZBIRGEMIZ #NUROTAN
