Қазақстанда мобильді аударымдарға салық салу шарттары қайта қаралмақ.
Қаржы министрлігі мүдделі мемлекеттік органдармен бірлесіп мобильді аударымдарды бақылау критерийлерін қайта қарап жатыр.
«Тәуекел критерийлерін келесі редакцияда өзгерту туралы ұсыныс қарастырылуда: «Бір жеке тұлғаның банк шотына келесі үш айда ай сайын 100 және одан да көп түрлі тұлғалардан жалпы сомасы ең төменгі жалақының 3 мөлшерінен асатын ақшалай қаражаттың түсуі (1 қаңтардағы жағдай бойынша – 255 мың теңге). Кәсіпкерлік кодексінің 35-бабының 2-тармағының 2-тармақшасына сәйкес жеке кәсіпкерліктен ең төменгі жалақының 12 еселенген мөлшерінен асатын (шамамен 1 миллион теңге) жылдық табысы бар жеке тұлғалар дара кәсіпкер ретінде міндетті мемлекеттік тіркеуге жатады», – делінген хабарламада.
