Тұмаудың эпидемиялары жыл сайын жылдың суық айларында тіркеледі және Жер шары халқының 15% дейін сырқаттанады.
Тұмаудың белгілері: тұмаудың барлық түрлерінде төмендегідей белгілермен сипатталады: дене қызуының көтерілуі, жөтел, тамақтың ауыруы, мұрынның бітеліп қалуы, дененің сырқырауы, дененің қалтырауы, бұлшық. Еттерде ауыру сезімі пайда болуы, ал кейбір жағдайларда науқастардың жүрегі айнып, құсуы және іш өтуі мүмкін.
Тұмаудың алдын алу. Мектепке дейінгі, мектеп жасындағы балалар арасында және үй жағдайында тұмауды алдын алуының бірнеше тиімді жолдары бар, олар:
1. Қол гигиенасын сақтау. Қолыңызды сабынмен жиі жууды әдетке айналдырғаныңыз жөн, әсіресе жөтелгенде және түшкіргенде. Қол жуу үшін құрамында спирті бар сұйықтықтар өте тиімді болып есептелінеді.
2.Жөтелгенде және түшкіргенде ауыз бен мұрныңызды беторамалмен немесе салфеткалармен бүркеңіз. Ал қолыңызда беторамал немесе салфеткалар болмаған жағдайда жөтелу және түшкіру кезінде ауыз бен мұрныңызды жалаңаш қолыңызбен емес шынтақ немесе иығыңызбен жапқаныңыз жөн болады.
3.Тұмау вирусын сыртқы ортаға таратпау үшін –үйде қалыңыз. Егер сізде немесе Сіздің балаңызда тұмау белгілері пайда бола қалса,дене қызуы 24 сағат бойына төменгі қалыпта болып және тұмаудың барлық белгілерінен айыққанға дейін үйде қалуыңыз қажет. Ата-аналар өз денсаулығымен қатар балаларының денсаулығына мұқият қарауы қажет. Олардың қатарына міндетті түрде дене қызуын өлшеу, тұмаудың басқа белгілерінің пайда болуын және олардың асқынбауына көңіл бөліп, қадағалап отыру жатады.
4. Жанұяның барлық мүшелері маусымдық және пандемиялық тұмауға қарсы екпе (вакцина) қабылдағаны жөн.
Н.Нышанов
ТО СЭБД басшысы
