Көкшетауда 10 жасар бала сүндеттеген соң көз жұмды

Көкшетаудағы облыстық көпсалалы балалар ауруханасында сүндетке отырғызылған бала көз жұмды. Бұл туралы 13.kz ақпарат агенттігі Қазинформға сілтеме жасап хабарлайды. Солтүстік Қазақстан облысы Аққұдық аулында тұратын 10 жасар баланы 31 қаңтарда ауыр жағдайда жеткізілген. Екі күн бұрын дәл осы ауруханада оған анестезия арқылы сүндет жасалған.
«Баланың жағдайы ауыр болды, медициналық көмек толығымен көрсетілді. Ауыруыды басатын дәріден анафилактикалық шок болуы мүмкін. Реанимациялық шаралар қабылданғанымен, әсері болмады. 31 қаңтар 18:20-да бала көз жұмды», — деп мәлімдеді аурухана өкілдері.
Баланың өліміне қатысты сот-медициналық сараптама тағайындалды.