Павлодарда 48 жастағы ер адам көп қабатты үйдің оныншы қабатынан құлап, мерт болды. Бұл туралы 13.kz ақпарат агенттігі Астана телеарнасына сілтеме жасап хабарлайды.
Ер адам дәрігерлер келгенге дейін оқиға орнында көз жұмған. Ақпаратты жедел жәрдем қызметінің баспасөз қызметі растады.
Ер адамның жоғарыдан құлаған сәтін сол маңнан өтіп бара жатқан тұрғындардың бірі видеоға түсіріп алған. Видеодан оның сымға ілініп біраз уақыт тұрғанын байқауға болады.
Айта кетейік, бұған дейін прокурорлар 6 жасар Лиза Пылаеваның өліміне қатысты сұмдық деректерді бөліскені туралы хабарлаған едік. Бала 2019 жылы мерт болған.
