Телерадио хабарларын таратуды үздіксіз және сапалы қамтамасыз ету мақсатында оператор спутниктік, цифрлық және аналогтық жерүсті желілерінің техникалық құралдарында қызметтерді тоқтата отырып, тоқсан сайынғы жоспарлы жөндеу жұмыстарын жүргізетіні атап өтілген.
«Осыған байланысты 24 қаңтарда сағат 03:00-17:00 (Астана уақыты бойынша) аралығында телерадио хабарларын таратуды тоқтатумен профилактикалық жұмыс жүргізілетінін хабарлаймыз. Уақытша ыңғайсыздық орын алғаны үшін кешірім сұраймыз.», — делінген хабарламада.
Еске сала кетейік, соңғы рет Қазақстан бойынша профилактикалық жұмыс үшін теледидар мен радио 2023 жылдың 23 желтоқсанында өшірілген болатын.
