Tracking Sharks порталы әлем бойынша акула шабуылынан зардап шеккендердің тізімін жариялады.
5 қаңтар: Мануэль Лопес (53 жаста). Мексикадағы Сонора жағалауында ұлуларды іздеп жүріп алты метрлік ақ акула басын тістеп алды.
4 ақпан: Австралияның Перт қаласындағы Суон өзенінде жүзіп жүрген Стелла Берри (16 жаста) сүйекті акуладан қаза тапты.
18 ақпан: Диего Бариа (32 жаста). Балықшылар Австралия жағалауында ауланған акуланың асқазанынан ер адамның денесін тапты.
19 ақпан: Крис Дэвис (59 жаста). Жаңа Каледония жағалауында суға түсіп бара жатқан ер адамға жолбарыс акуласы шабуыл жасады. Ол көптеген дене жарақаттарынан қайтыс болды.
9 мамыр: Алехандро Хименес (17 жаста). Кубаның солтүстік жағалауында тұмсықты акуланың шабуылынан кейін қайтыс болды.
13 мамыр: Саймон Баканелло (46 жаста). Австралия жағалауында серфингпен шұғылданып жүргенде, оны үлкен ақ акула сүйреп әкетті. Ер адамның денесі сол күйі табылмады.
4 маусым: Жаңа Каледонияда су астында балық аулау кезінде белгісіз ер адамды акула өлтірді.
8 маусым: Владимир Попов (23 жаста). Мысырда Хургада маңындағы Қызыл теңізде шомылу кезінде жолбарыс акуласы ішінара жеп қойған. Қайғылы оқиға әкесінің көзі алдында болған.
12 тамыз: Балықшы Амони Малеуулу (41 жаста). Самоа жағалауында кит өлексесін жағаға алып шықпақ болған кезде акуланың құрбаны болды.
1 қазан: Феликс Луи Нжай (52 жаста). Калифорния штатындағы Пойнт-Рейс қаласындағы Wildcat жағажайында жүзу кезінде үлкен ақ акула оны жеп қойған.
31 қазан: Тодд Джендл (55). Оңтүстік Австралиядағы Стрейки шығанағында серфингпен шұғылданып жүргенде үлкен ақ акула жеп қойған. Куәгер акуланың ұзындығы лимузинмен бірдей екенін айтты.
21 қараша: Багам аралындағы Жолбарыс жағажайында неміс сүңгуіріне (47 жаста) жолбарыс акуласы шабуыл жасады.
2 желтоқсан: Мария Хименес (26 жаста). Мексиканың Мелака қаласындағы жағажайда акула аяғын тістеп алды. Әйел бес жасар қызын перронға лақтырып, аман алып қалған. Демалушылар Марияны жағаға шығарды, бірақ ол көп қан жоғалтудан қайтыс болды.
4 желтоқсан: Лорен Эриксон ван Варт (44). Үйлену тойының ертеңіне әйелі күйеуімен бірге Багам аралдарына серфингке барған. Оған жолбарыс акуласы шабуыл жасады. Лоренді құтқару мүмкін болмады.
14 желтоқсан: 76 жастағы канадалық турист Джозеф Бейненс Мексиканың Тынық мұхиты жағалауындағы Плайа-Киетада акуланың шабуылына ұшырап, алған жарақаттарынан кейін қайтыс болды.
28 желтоқсан: Дарынды серфер Хай Кавли (15) көз жұмды. Жасөспірім әкесімен бірге Австралияның оңтүстік жағалауындағы Этел жағажайына барды. Хай теңізге кірген бойда үлкен ақ акула оған шабуыл жасап, аяғын тістеп алды. Құтқарушылар оны тірілтпек болғанымен, жарақаты тым ауыр болды.
29 желтоқсан: Виктор Алехандро (20 жаста). Мексиканың Сонора жағалауында шаян іздеп жүргенде үлкен ақ акула ер адамның аяғын шағып алды. Жарақаттың соңы өлімге әкеліп соқтырды.
30 желтоқсан: Джейсон Картер (39 жаста). Гавай аралының Мауи маңында серфингпен жүрген ер адамға жолбарыс акуласы шабуыл жасады. Құтқарушылар оны судан алып шықты. Алайда ауруханада көз жұмды.
Оқыс оқиғаның көбеюіне не себеп
Порталдың мәліметінше, акулалар шабуылы көбеюіне әлемдік мұхиттың жылынуы себеп болып отыр. Бұл жыртқыштардың аз қоныстанған оңтүстік жарты шардан салқын, халқы көп солтүстік жарты шарға көшуіне итермелеп, акулалардың адамдармен бетпе-бет келу ықтималдығын арттырды.
Дайвинг техникасындағы жетістіктер де шабуылдардың өсуіне ықпал еткен болуы мүмкін. Адамдар суда әлдеқайда ұзағырақ болғандықтан акуламен кездесу қаупін арттырады.
Тағы бір себеп дүниежүзілік мұхиттың ластануы мен балық аулау болып отыр. Ірі жыртқыштарға азық жетпейді, нәтижесінде жағалаудағы таяз суларға көбірек келеді.
Сарапшылар акулаларды өлтіруге тыйым салынғандықтан, олардың популяциясы айтарлықтай өсті. Бұл шешім адамдардың суға түсу кезінде жыртқышпен кездесу қаупін арттырады деп есептейді.
Instagram парақшамызға жазылып, ең қызықты ақпараттарды бірінші болып оқыңыз!
