Оқиға 13 қаңтар күні түс ауа қаладағы Қазақстан көшесі 98/1 мекенжайында болған, деп мәлімдеді жергілікті Buqara.kz сайты.
Куәгерлер аталған фактіге қатысты фотосуреттерді түрлі әлеуметтік желіге таратып, бірнеше парақша атыс болған сәт туралы бейнежазбаны жариялаған.Кадрда көпқабатты үйдің ауласында келе жатқан адамды біреу екі рет атады. Әрі қарай оқиға орнына тәртіп сақшылары келіп, жағдайдың ақ-қарасын анықтаған. Облыстық полиция департаменті мәліметінше, қаладағы «102» арнасына қоңырау түскен.
– Хабарласқан адам подъездердің бірінің жанында қансыраған ер адамның жатқанын айтты. Жеткен бойда мәйітті көрдік. Алдын ала дерекке сәйкес, ер адам атыс қаруынан көз жұмды. Әрі қарай патрульдік полицейлерге дереу бағдар беріліп, күдікті 10 минутта қолға түсті, – делінген ақпаратта.
