Балалар арасында тамақтан уланудың алдын алу

Тамақтан улану – бұл асқазан-ішек жолдарына тамақпен немесе сусындармен бірге зиянды бактериялардың түсуінен ішкі орган жұмыстарының бұзылуы. Құрамында химиялық заттары бар немесе бактериялары бар тамақты ішкеннен кейін, токсиндер қан құрамына сіңіп, улану тудырады.
Улану көбінесе мерзімі өтіп кеткен, өмір сүру деңгейі бактерияға ұшыраған, сондай-ақ химиялық заттармен бүлінген азық-түлікті қолданғанда пайда болады.
Бұл жағдай көбінесе балалар арасында жеке бас гигиенасы талаптарын сақтамағанда бактериалды уланудың дамуына әкеліп соғады. Мұның себебі – баланың ағзасы әлі толық жетілмегендіктен, тамақ өнімдерінің құрамында болуы мүмкін улы заттармен тиімді күресуге қабілетсіз болуынан.
Балалардың демалысын ұйымдастырғанда, тамақтануын ұйымдастырушы заңды және жеке тұлғалар балаларды қауіпсіз тағамдармен қамтамасыз етуге міндетті:
• тиым салынатын тағамдарды қолдануға жол берілмейді;
• тамақтану ережелерін қатаң сақтаған жөн;
• шикі және пісірілген азық-түлікті бір-бірімен араластыруға болмайды; Өйткені, дұрыс пісірілген тамақ шикі тамақпен қосылу арқылы ластануы мүмкін.
• қолды жиі жуу және жеке бас гигиенасын сақтау өте маңызды;
барлық санитарлық ережелерді қатаң сақтау қажет, оның ішінде ыдыс-аяқ пен едендерді зарарсыздандыруды қолдана отырып, пайдаланылатын мүкәммалды уақтылы ауыстыра отырып;
Сонымен қатар таза суды пайдалануға тырысу керек. Таза су ауыз су ретінде де, тамақ әзірлеу үшін де маңызды. Егер судың сапасы күдік тудырса, оны тамаққа қосар алдында немесе пайдаланар алдында қайнатып алыңыз. Қайнаған суды пайдалану және тамақ дайындау алдында пайдалану ұсынылады.
Жаз мезгілінде тез бұзылатын тағамдарды дұрыс сақтамаған жағдайда, төмендегі өнімдерден уланудың ықтимал қауіпі бар:
• сүт өнімдері (негізінен сүзбе және балмұздақ);
• жұмыртқа;
• балық өнімдері және теңіз өнімдері;
• ет;
• крем қосылған кондитерлік өнімдер;
• дайын салаттар;
• фаст фуд;
• консервіленген өнімдер, әсіресе үйде жасалған. А.Искаков Түркістан облысының СЭБД басшысының орынбасары