Өткен аптада Түркістан облысына қызылшаға қарсы қосымша жаппай иммундау жұмыстарын жүргізу үшін Үндістан елінде шығарылған бір дозалы қызылша, қызамық, эпидпаротитке қарсы (ҚҚП) 14 700 дана вакцина келді. Бүгінгі таңда барлық емдеу мекемелеріне тараталып берілген, вакцина жеткілікті деңгейде. Қазіргі таңда 12038 бала қызылшаға қарсы қосымша жаппай иммундау алып үлгерді. Бұл вакцина алуға тиісті балалардың 6,5% құрайды. Қазіргі таңда қызылша аурушаңдығы бойынша эпидемиологиялық жағдай күрделі. Жыл басынан бері 1874 ошақтан 2010 күдікті жағдай тіркеліп, 682 (33,9 %) зертханалық дәлелденді. Оның ішінде 14-жасқа дейінгі балалар саны 597-ні (87,5%) құрап отыр. Тіркелген науқастардың есебі күнделікті өзгеруде. Жастарына сәйкес инфекцияның тіркелуі бала-бақшалар мен мектептерде де орын алуда. Атап айтқанда, 35 мектептен 59 (9,8%) оқушы, 37 балабақшадан 58 (9,7%) балабақша тәрбиеленушісі инфекция жұқтырған.
Бұл аурудың инкубациялық кезеңі 7 күннен 21 күнге дейін созылады. Қызылша суық тию белгілерімен басталып, дене қызуының 38-40 градусқа көтерілуі, әлсіздік, тәбеттің болмауы, құрғақ жөтел, мұрынның бітуі т.б.
Аурудың алдын алу үшін:
-қызылшаға қарсы қарсы екпе алу;
-бөлмені жиі желдетіп, ылғалды тазалау жұмыстарын жасау;
-халық көп шоғырланған орындарға мейлінше бармау;
— бетперде тағу ұсынылады.
Тұрғындарға айтарымыз қызылша ауруын желшешек (ветряная оспа) ауруымен жаңылыстыруға болмайтынын ескертеміз.
