ТҮРКІСТАН: ОБЛЫСТЫҚ ОҢАЛТУ ОРТАЛЫҒЫНДА СЕМИНАР ӨТТІ

Өмірдің қиын жағдайына тап болған ерекше жандардың басын қосатын, оларды жаңа өмірге бейімдейтін, қалыпты өмір дағдыларына оралуына ықпал ететін бірден –бір мекеме Дауан елді мекенінде орналасқан «Ақ-бұлақ» облыстық балаларды оңалту орталығын атасақ артық айтпағанымыз. Өткен аптада Түркістан облысы денсаулық сақтау басқармасының «Ақ-бұлақ» облыстық балалар оңалту орталығының акт залында семинар өтті. Жиынға Арыс, Бәйдібек, Қазығұрт, Жетісай, Асықата, Мырзакент, Отырар, Сайрам, Қарабұлақ, Сарыағаш, Ленгір, Шардара, Кентау, Түркістан сынды әр ауданнан келген бас мамандармен басқосу жоғары деңгейде болды. Түркістан облыстық денсаулық сақтау бойынша басшысынан ана мен бала қорғау жөніндегі орынбасары С.У Джабаегиева және аудандық педиатрлар, неврологтар және оңалтуға жауапты мамандар қатысты. Сондай-ақ Түркістан облысының штаттан тыс бас реабилитологы Мариям Парманқызы, неврология бөлімінің меңгерушісі А.Асанова, ортопедия бөлімінің меңгерушісі Н.Маханова, дәрігер педиатр Б.Әлішева балалардағы аутизм және ерте диогностикалау аспектілері жөнінде баяндама оқыды.
Үстіміздегі жылдың реабилитация саласындағы 10 айдың нәтижесі көрсетіліп, мамандармен пікір алмасу болды. Кезекке тұрғандар саны – 534 бала, оңалтуға жіберілгендер -351 бала. Кезек бойынша 7400 келді, кезек алған 766 бала болып тұр. Орталық ем қабылдайтын балаларға үйдегідей қолайлы жағдай жасаған. Ғимарат іші қол еңбекке толы. Қабырғаларда ілулі тұрған түрлі картиналар, ою-өрнектер, сан алуан мүсіндер адамды еріксіз қаратады. Бәрі сондай шынайы, әдемі. Мұнда ем шараларынан бөлек өмір сүруге деген қабілетін арттыруда әлеуметтік жұмыс жөніндегі мамандар яғни 193 қызметкер еңбек етеді. Емделу уақыты 18 күн. Ауласынан бастап ғимарат ішіне енгенде жанға жайлы жылылықты сезінесің. Тап-таза, неше түрлі гүлдермен көмкерілген, арнайы қазақы бөлмесі, саф ауасы неткен тамаша!
Орталық директоры Нұрхат Мадалиеваның айтуынша, балаларға көрсетілетін оңалту рәсімдері қазірдің өзінде өз нәтижесін беруде. Кейбір балалар жүруді үйренді, өз түймелерін өздері шешіп қайта ағыта алады, Дәрігерлер ерекше күтімді қажет ететін балаларға жылына екі-үш рет оңалтудан өтуді ұсынып отыр. Ана үшін баланың күлкісі қымбат. Рас. Біреуінің жүріп тәй-тәй басып кеткені, екіншісінің жүре бастағаны әрі бір ата-ана үшін артықбақыт жоқ шығар.
«Ақ-бұлақ» облыстық оңалту орталығы -200 төсек орынға арналған. 90-ортопедия бөлімі, 80-неврология бөлімі, 30-соматика бөлімі, 2 бағытта жұмыс атқарамыз.
1. Медициналық -физиоемдеу, массаж, тұзды камера.
2. Педагогикалық – психолог, логопед, эрготерапевт, монтессори, деффектолог, музыкатерапевт.
Семинар барысында реабилитация негіздері, балалар церебральды сал ауруы және инсульт түрлері, параллельді-спиральді қимыл қозғалыстар, логопедиялық массаж әдістері, қимыл-қозғалыс биомеханикасы, дұрыс емес стеоротиптер, ми және оның құрылысы, тірек-қимыл жүйесі, ПНФ терапиясы, терапия түрлері, қосымша және балама коммуникация негіздері, артикуляциялық жаттығуларды практика-теория жүзінде үйреніп, тәжірбие алмасты.
Жалпы 7,54 гектар жерді алып жатқан медициналық нысан 200 балаға қызмет көрсетуге шақталған аталмыш орталықта қызықты да құнды ақпаратқа толы семинар сондай –ақ ой рухани бейнероликтер көрсетіліп, әртүрлі сұрақтармен қорытындыланды.