«Kazakh Tourism» ҰҚ» АҚ ұйымдастыруымен Turkistan Travel Fest фестивалінің аясында Кентау трансформатор зауытына кәсіптік бағдар беру бойынша тур өткізілді.
Жоба аясында Түркістан облысы білім басқармасы «Облыстық жас туристер станциясы» КММ-нен жалпы саны 150 оқушы қатысты.
Кәсіптік бағдарлау турларының мақсаты – оқушыларға өнеркәсіптік кәсіпорындар қызметі туралы ақпарат беру, болашақ мамандықтарын саналы таңдауға көмектесу, техникалық мамандықтарға басымдық беру, өнеркәсіптік кәсіпорындармен таныстыру.
Өнеркәсіптік нысандармен қоса тур бағдарламасы бойынша оқушыларға Ұлы Дала елі музейіне, заманауи «Farab» кітапханасына экскурсия ұйымдастырылды.
2023 жылғы қыркүйек айынан бастап қарашаға дейін өңірдің тұрғындары мен қонақтары үшін арнайы іс-шаралар сериясы ұйымдастырылады. Фестивальдер, марафондар, форумдар мен жәрмеңкелер және тағы да басқа креативті іс-шаралар жоспарлануда.ҚР Мәдениет және спорт министрлігінің қолдауымен, Түркістан облысы мәдениет және туризм басқармасының үйлестіруімен өтетін күзгі маусымдық іс-шаралар легін ұсынамыз.
7-8 қыркүйек – «Түркістан – Түркі әлемнің туристік астанасы» форумы
15 қыркүйек – Түркістан облысы бойынша автобустық тур
23 қыркүйек – «The Spirit of Turkistan» концерті
23-24 қыркүйек – Туристік пойыз аясында танымдық тур
2-6 қазан Түркістан облысындағы блог тур
4-8 қазан – Түркістан облысында агротуризмді насихаттауға арналған ақпараттық тур
9-13 қазан – Түркістанда тақырыпты муралдың ашылуы
10-12 қазан – Түркістан облысы бойынша экологиялық автотур
13 қазан – Креативті туризм форумы
14 қазан – Түркістан облысында plogging (қоқыс жинаумен жүгіру)
14 қазан – Көркем фото фестивалі
14 қазан – International Dance Fest би фестивалі
14 қазан – Red-Hot-Blues Caravan экспедициясы аясындағы концерті
14-28 қазан – Түркістан қаласындағы лазерлік шоуы
15 қазан – Street Performers Fest
15 қазан – Отандық өндірушілер фестивалі
20-22 қазан – Түркістан қаласында киберспорт бойынша Чемпионат
29 қазан – «Turkistan Marathon 2023» жүгіру марафоны
13-17 қараша – Түркістан облысында өнеркәсіптік туры
13-19 қараша Түркістан облысындағы WFTGA әдістемесі бойынша гидтерге арналған тренинг
Ұйымдастырушылардың айтуынша, жобалар Түркістан облысындағы туристік маусымды қараша айының соңына дейін ұзартуға бағытталып, демалу және саяхаттау мәдениетінің белсенді дамуына мүмкіндік береді.
Сонымен қатар, оқушыларға кәсіби бағдар берушінің қатысуымен тренинг өткізілді.
