Шардара ауданындағы С.Ерубаев атындағы жалпы білім беретін мектепте «Оқуға құштар мектеп» жобасын іске асыру мақсатында күзгі демалыс кезінде «Күзде біз жалықпаймыз,кітап оқимыз» атты іс-шара негізінде 7″ә» сынып оқушыларымен сынып жетекшісі Полатова Роза «Кітап ғажайыптары әлеміндегі оқиғалар» тақырыбында кітап оқу марафонын өткізді.
Мақсаты:кітаптың адам өміріндегі орны туралы айту, кітапқа деген сүйіспеншілігін арттыру,рухани түсінігін кеңейту.
Оқушылар демалыс кезінде өздеріне ұнаған кітаптарын оқыды,оқыған шығармаларындағы ұнаған кейіпкерлердің суретін салды.Және кітап қайырымдылығы бойынша бір-біріне кітап сыйлады.Кітапқа арналған жаңа бербелгілер жасады Себебі, ол кітапты одан да бағалы ете түседі және жағымды көңіл күй сыйлайды.
Айта кетейік, Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес БҒМ «Оқуға құштар мектеп» жобасын бекіткен болатын. «Оқуға құштар мектеп» жобасыны аясында көркем әдебиеттер тiзiмi 4 бағыт бойынша жүзеге аспақ. Яғни олардың қатарына еліміздің үздік классиктернің кітаптары, ана тіліне аударылған шетелдік әлем әдебиетінің жауһарлар, сонымен бірге қазіргі заманғы ақын-жазушылардың кітаптары енетін болады. Білім берудегі кітап оқуға үйрету мәселелері әрдайым маңызды болғанымен, оқу сауаттылығын дамыту тапсырмасы ҚР-ның мемлекеттік білім беру стандартын жүзеге асыратын заманауи мектеп үшін жаңа сала болып табылады. Оқу сауаттылығы қазіргі қоғамдағы өмірге дайындық үшін ең маңызды көрсеткіштерінің бірі ретінде қарастырылады. Оқу мәдениеті оқушылардың нақты және жаратылыстану ғылымдарын, еңбекке үйрету және дене шынықтыру, сондай-ақ басқа да пәндерді табысты оқып білу үшін міндетті ме? Жауабы анық. Әрине, иә. «Оқу мәдениеті — өзін-өзі жетілдіру және өзін-өзі тәрбиелеу дағдыларын қалыптастыру факторы» деген түйін сөз бекер айтылмайды. Оқуды дамытуда әдістемелік әдістерді жүйелі және мақсатты түрде қолданған жағдайда оқушының дербес оқуын қалыптастыруға үлес қосады.
