Иммундау — инфекциялардың кепілді қорғанышы болып табылады!
Түрістан облысында санитариялық-эпидемиологиялық бақылау департаментінің аудан, қалалық басқарма қызметкерлері екпеден бас тартушы тұрғындар арасында санитариялық-ағарту жұмыстарын жүргізуде.
Басқарма мамандары медициналық ұйым өкілдері, әкімдіктің теолог мамандарымен бірлесіп, балаларына екпе салдырудан бас тартушы тұрғындар арасында екпенің маңыздылығы жөнінде санитариялық-ағарту жұмыстарын жүргізді.
Естеріңізге саламыз
Тәжірибе көрсеткендей, бүгінгі күні вакцинация-адам өміріне қауіп төндіретін жұқпалы аурулардан қорғаудың ең сенімді әдісі. ДДҰ-ның мәліметі бойынша, иммундау арқылы жыл сайын 2-ден 3 миллионға дейін өлімнің алдын алуға болады.
Вакцинациямен қамту вакцинациялауға жататын балалардың нысаналы топтарынан құралады-1 жасқа дейін, 1 жас, 6 жас және 16 жасқа дейін. Әрі қарай, кейбір вакцинацияларды ересектер әр 10 жыл сайын алады.
Вакцина халықтың барлық санаттарына қол жетімді және тіркелген жері бойынша емханаларда тегін жүргізіледі.
Түркістан облысының СЭБД баспасөз қызметі
