Бас мемлекеттік санитариялық дәрігер қызылшаға қарсы екпе алуға шақырды

Түркістан облысының Бас мемлекеттік санитариялық дәрігері қызылшаға қарсы екпе алуға шақырды. Түркістан облысының БМСД Н.Нышанов өңірде қызылша аурушаңдығының алдын-алу, эпидемиологиялық жағдайды бұдан әрі тұрақтандыру мақсатында сіздерді 6-қарашадан басталған қосымша жаппай иммунизациялауға шақырды. Ол бұл туралы өзінің әлеуметтік желі парақшасында жазды.
Аурудың алдын алу үшін қызылшаға қарсы қарсы екпе алу өте маңызды. Вакцина оның жеңіл өтуіне септігін тигізеді. 1және 6 жаста қызылшаға қарсы жоспарлы вакцина салынады.
Республика бойынша жүзеге асырылып жатқан қосымша иммунизациялау науқанында 6 айдан бастап 10 ай 29 күнге дейінгі, 2 жастан бастап 4 жас 11 ай 29 күнге дейінгі балаларға иммундау жүргізілетіндігін хабарлаймын.
2 жастан бастап 4 жас 11 ай 29 күнге дейінгі балаларға желтоқсан айынан бастап жүргізу жоспарлануда.
Бұл ретте 6 айлық балаларды қызылшаға қарсы қосымша жалпы иммундау қызылшамен сырқаттанушылық бойынша эпидемиологиялық жағдай тұрақтанғанға дейін, 2 жастан бастап 4 жас 11 ай 29 күнге дейінгі балалар 2023 жылғы желтоқсаннан бастап 2024 жылғы қаңтар аралығында жүргізіледі.
Қызылша — ауа-тамшы жолдары арқылы тарайтын инфекция, көбіне балалар арасында жиі кездеседі. Адамнан адамға жұғуы өте жоғары. Аурудың жасырын кезеңі 7-21 күнді құрайды. Егер 30 жасқа дейінгі қарым-қатынастағылар қызылшаға қарсы егу алмаған болса, 72 сағаттың ішінде егілу қажет, делінген жазбада.