Ағымдағы жылдың 22 қазанында Шымкент қаласы Қаратау ауданы әкімі аппаратының ұйымдастыруымен Республика күні мерекесіне орай волейболдан аудан әкімі кубогіне арналған турнир өткізілді.
Іс-шараның мақсаты салауаттылықты, бұқаралық спортты насихаттау. Аудан мектептері арасында өзара ынтымақтастықты арттыру.
Турнирге аудан аумағындағы 20 мектеп құрамасы қатысты.Тартысты өткен турнир нәтижесі бойынша жеңіске 72 мектеп құрамасы жетті. Ал, ІІ тұғырдан 71 мектеп құрамасы көрінді. Жүлделі ІІІ орынды 113 мектеп құрамасы иеленді.
Барлық қатысушылар алғыс хаттармен марапатталды. Ал, жеңімпаз құрамаларға аудан әкімінің арнайы кубогі және жүлде қорлары табысталды.
Өз кезегінде аудан басшысы — Р.Мүлкеманов турнир қатысушыларына алғысын білдіріп, аталған бағыттағы іс-шараның алдағы уақытта аудан мектепрі арасында дәстүрге айналатынын жеткізді.
