«ТҮРКІСТАН: БЕС ЖЫЛ, БЕС БЕЛЕС» АТТЫ ӘДЕБИ — САЗДЫ ПОЭЗИЯЛЫҚ КЕШ ӨТТІ

Қазақстан Республикасы оқу-ағарту министрлігінің республикалық қосымша білім беру оқу-әдістемелік орталығының «Жаз қызығы-көңілді демалыс» іс-шаралар жоспарына сәйкес, Түркістан қаласының адами әлеуетті дамыту бөліміне қарасты Балалар мен жасөспірімдер орталығының ұйымдастыруымен «Farab» әмбебап ғылыми кітапханасында «Түркістан: бес жыл, бес белес» атты әдеби — сазды поэзиялық кеш өтті.
Бес жыл ішінде киелі қала жаңа серпінмен жан-жақты дамып айтарлықтай өзгергені жайлы айтылғаны бейнебаянда көрсетілді. Балалар мен жасөспірімдер орталығының «Көркемсөз» үйірмесінің оқушылары М.Жұмабаевтың «Түркістан», М.Шахановтың «Баба Түркістан», А.Сопыбековтің «Төрт қақпалы Түркістан», Қ.Сарыбаевтың «Түркістан», Қ.Бегмановтың «Түркістан қаласы» өлеңдері оқылды. Түркі халықтарының рухани көшбасшысы Қожа Ахмет Ясауи бабамыздың хикметтері айтылды. Әдеби — сазды поэзиялық кеш Б.Анарбаевтың «Түркістан» өлеңімен аяқталды.
Кеш барысында оқушылардың әр жүрекке жол тапқан әсерлі өлеңдері туған өлкеге деген сүйіспеншілігін арттырды.
Айта кетсек, Түркістан облысында балаларға арналған жазғы 9 лагерь өз жұмысын бастаған.Солардың бірі — Төлеби ауданына қарасты, Екпінді ауылында орналасқан «Біркөлік шатқалы» балалар лагері. 2018 жылдан бастап жұмыс істеп келе жатқан лагерьдің 250 балаға демалыс орны қарастырылған. Қазіргі таңда онда 250 бала болса, олардың 200-і Қазығұрт ауданынан, қалғаны еліміздің әр өңірінен келген балалар. Лагерьге 16 жасқа дейінгі балалар қабылданады. «Біркөлік шатқалы» балалар лагері 9 корпустан тұрады. Жаз бойы лагерьде 7 ауысым болады. Әр ауысымда 8 топ, екі тәрбиеші бар. Балалар бос уақытта бейімділігіне қарай шахмат, футбол, волейбол ойындарына қатысып, өздерінің қабілеттерін шыңдай алады. Күнделікті екі мезгіл іс-шара өтіп отырады.
Балалардың жазғы демалысын әсерлі, мәнді ұйымдастырудан бөлек, олардың қауіпсіз жағдайда демалуын қамтамасыз ету мәселесі өте өзекті. Лагерьлердегі қауіпсіздікті бірнеше органдар қамтамасыз етеді. Денсаулық сақтау министрлігі санитариялық-эпидемиологиялық бақылау қызметі орталықтардың санитарлық талаптарға сәйкестігін тексеріп, арнайы қорытынды берілген. Одан кейін төтеншеліктер өрт қауіпсіздік мәселелерін қамтамасыз етеді. Сондай-ақ, балалардың суға шомылу қауіпсіздігі қарастырылған. Ал полиция органдары болса, лагерь аумағында қоғамдық тәртіпке жауапты.
Биыл жазғы лагерьлерде жалпы 2 000 баланы қамту жоспарланған. Көпбалалы және аз қамтамасыз етілген отбасы балаларына тегін жолдама ұйымдастырылған. Балалар күнделікті 4 мезгіл ыстық тамақпен қамтылған. 10 күндік демалыс кестесіне сәйкес жоспар бекітіліп, балалардың уақытын тиімді өткізу басқарма тарапынан бақылауға алынған.