Техникалық және кәсіптік, орта білімнен кейінгі білім беру ұйымдарындағы бітірушілер туралы айтар болсақ, облыс көлемінде 52 колледжде 11 мыңға жуық бітірушілер оқуларын аяқтап, диплом алып шықты.
Дәстүрлі диплом беру рәсіміндері барлық аудан қалада орналасқан колледждерде ұйымдастырылып, онда жұмыс берушілер, кәсіпорындар, жергілікті «Атамекен» кәсіпкерлер палаталары және ата-аналар қатысты.
Сондай ақ, осы іс-шараларда жұмыс берушілер 119 бітірушіге жұмысқа орналасқаны жөнінде хабарланып, жұмыспен қамтылды.
Атап айтқанда, Ғ.Мұратбаев атындағы Жетісай гуманитарлық-техникалық колледжінде 2022-2023 оқу жылында 11 мамандық бойынша 258 түлек диплом алды. Оларға диплом салтанатты түрде тапсырылды. Салтанатты жиынға шақырылған жұмыс берушілер:
1. Жетісай қаласы әкімі аппараты ММ басшысы Н.Бақтияров;
2. «Жетісай ауданының жұмыспен қамту және әлеуметтік бағдарламалар бөлімі» ММ басшысы Н.Райымбеков;
3. «М.Горький атындағы №1 мектеп-гимназиясы» директоры Р.Мұсабекова;
4.«Б.Момышұлы атындағы №6 мектеп-гимназиясы» директоры Ш.Нұрбеков;
5.«Жетісай аудандық жастар ресурстық орталығының» бас маманы Ә.Әмір;
6. «Елдос» сауда үйінің және тігін цехының директоры Э.Темірбаева.
Қазіргі таңда оқу орны бойынша 9 бітіруші жұмысқа орналасты.
Айта кетсек, қазіргі таңда Түркістан облысында 630 мыңнан астам жас бар болса, өңірдегі жастар саясатын жемісті жүзеге асырып, азаматтарға жан-жақты қолдау көрсету «Жастар ресурстық орталығының» тікелей міндеті болып саналады. Тиісінше, аталған орталық бүгінде түрлі бағыт бойынша қызмет атқарып келеді. Солардың бірі – «Жастарға қызмет көрсету және NEET санатындағы жастармен жұмыс жүргізу» бөлімі. Аталған бөлімнің негізгі мақсаты – жастарға мемлекеттік бағдарламалар бойынша кеңес беру, үгіт-насихат және түсіндіру жұмыстарын жүргізу, сонымен қатар, NEET санатындағы жастарды әлеуметтендіру болып саналады. «Жастарға қызмет көрсету және NEET санатындағы жастармен жұмыс жүргізу» бөлімінің жетекшісі Дінислам Бимаханбетовтың айтуынша, 2023 жылдың I жарты жылдығында жоспарға сәйкес, облыс көлеміндегі мемлекеттік бағдарламалар бойынша 141 758 жасқа кеңес берілген. Оның ішінде 36 401-і білім, 45 490-ы жұмыспен қамту, 54 227-сі кәсіпкерлік, 2796-сы тұрғын үй және 2 834-і өзге де салалар бойынша кеңес алған. Сонымен қатар, «Серпін», «Болашақ», «қысқа мерзімді оқыту», «Жастар практикасы», «Қоғамдық жұмыстар», «Жасыл ел», «Дипломмен ауылға», «Студенттік құрылыс отряды», «Жұмыссыз жастарға арналған гранттар», «Бизнестің жол картасы-2025» және «Төмен пайызды несие» сынды мемлекеттік бағдарламалар бойынша да түсіндіру жұмыстары жүргізіліп, жастар қажетті ақпаратмен қамтамасыз етілген.
