Көк байрағымызды әлемдік спорт ареналарында биік ұстап жүрген саңлақтарымыз аз емес. Олардың жеңісті жолдары өскелең ұрпаққа үлгі-өнеге ғана емес, сонымен бірге ел тарихының сүбелі бір тармағы болып табылады.
Осындай өнегелі де жеңісті жолды жалғастыра білген Түлкібас аудандық білім бөліміне қарасты Б.Момышұлы атындағы жалпы орта мектебінің 9-сынып оқушысы Назарбаева Меруерт Қырғыстан Республикасы, Бішкек қаласында 17 жас арасында өткен Азия чемпионатында 73 келі салмақта жүлделі III орынды иеленді.
Меруерт 2021 жылдың 13-15 сәуір аралығында Орал қаласында Қазақстан Республикасының тәуелсіздігінің 30 жылдығына арналған әйелдер күресінен 2004-2006 ж.т., 2007-2008 ж.т. және 2009-2011 ж.т. қыздар арасында ашық аймақтық турниріне 75кг салмақта өнер көрсетіп, жүлделі І-орынға, Шымкент қаласында еркін күрестен «Қазақстан Республикасы тәуелсіздігінің 30 жылдығына» және «Қазақ халқының даңқты палуаны Қажымұқан Мұңайтпасовтың 150 жылдығына» арналған республикалық турнирде жүлделі І орынды, 2006-2007ж.т. кіші жасөспірім қыздар арасында Қазақстан республикасының Чемпионатында ІІІ орынға қол жеткізді.
2023 жылдың наурыз айында Талдықорған қаласында өткен, Грек-рим, еркін және әйелдер күресінен бүкіләлемдік кіші жасөспірімдер мен жастар арасында ҚР чемпионатында 73 келі салмақта Қазақстан Республикасының чемпионы атанса, Семей қаласында өткен, еркін күрестен 17 жасқа дейінгі чемпионатына қатысып, 73 келі салмақта Қазақстан Республикасының екі дүркін чемпионы атанып, жастар арасында өтетін Азия чемпионатына жолдама ұтып алды.
Меруерттің жеңісі, еліміздің жеңісі. Оқушымызға сәттілік тілей отырып, алдағы уақытта бұдан да биік шыңды бағындырып, Әлем чемпионы болатынына сеніміміз мол.
