Келес ауданының тұрғыны Маулен Сытыбаев №27 Н.Тілендиев атындағы жалпы орта мектебінде 20 жылдан бері кіші қызметкер болып жұмыс істейді. Мектеп қызметкері өз қолымен шөп оратын электрлік шөп оратын машина құрастырды. Мектеп ауласы кең болғандықтан, мұндай техникаға деген қажеттілік бары анық. Айта кетсек, ауыл тұрғынының бұл өнертабысына деген сұраныс та артуда. Мектеп қызметкернің сөзінше ол мұндай құрылғыны бірінші рет жасап отырған жоқ. Тіпті бұл құрылғыны сатып алуға ниет білдіргендер де көп.
— Мұндай машинаны жасауға бір күн ғана уақыт кетеді. Ол үшін ескі коляска, қарапайым насостың электромоторы және қолара болса жеткілікті. Бұл менің жасап шығарған бесінші машинам болып табылады. Ауыл тұрғындары 5000-10000 теңгеге сатып алып та жатады. Жалпы тұрмыстық жағдайда қолдануға ыңғайлы, — дейді Мәулен Абдурахманұлы.
Ауыл шаруашылығы өндірісі күрделі және қажырлы еңбекті қажет ететін сала болып табылады. Ауыл шаруашылығы дақылдарын өсіру процестерін механикаландыру еңбектің жеңілдеуіне, өнімділіктің артуына және өнімнің өзіндік құнының төмендеуіне ықпал етеді. Машиналарды қолдану жұмыстарды тығыз агротехникалық мерзімдерде жүргізуге мүмкіндік береді. Бақшасы бар кез-келген адам, әсіресе гүлзарға үнемі күтім жасау қажет екенін біледі, яғни оны әр екі-екі апта сайын кесіп отыру керек. Электрлік шөп шабатын машиналардың көпшілігі шабылған шөпті жинайтын арнайы жинайтын құрылғымен жабдықталған. Олар шығарындыларсыз, тыныш және оларды пайдалану оңай.
Маулен Абдурахманұлы қазіргі таңда 61 жасқа толып отыр. Зейнет жасына жақындаса да еңбек етуден жалықпайтын ауыл тұрғыны ауыл тұрғындарының техникаларын да жөндеп беріп тұрады екен.
Айта кетсек, Түркістан облысы оқушыларының еңбегі ғылыми жобалар сайысының қорытындысы бойынша Түркістан Алматы мен Павлодар облыстарымен бірге білім саласы бойынша үздік үштікке енген.
